जुम्लाको चन्दननाथ नगरपालिकाले लगानी सम्मेलन गर्ने

भदौ १०, २०७५ आइतबार १६:५३:१६ | उज्यालो सहकर्मी

जुम्ला – आर्थिक विकासको लागि जुम्लाको चन्दननाथ नगरपालिकाले लगानी सम्मेलन गर्ने भएको छ ।

सरकारले छुट्याएको बजेटले मात्रै नगरपालिकाको विकास निर्माणको लागि अपुग हुुने भएको भन्दै नगरपालिकाले भदौ २९ गते जुम्लाको कर्णाली प्राविधिक शिक्षालयमा लगानी सम्मेलन गर्न लागेको हो ।

जुम्लाको भौतिक विकासको लागि लगानी जुटाउन यो सम्मेलन गर्न लागिएको मेयर कान्तिका सेजुवालले जानकारी दिनुभयो । सम्मेलननको उद्घाटन अर्थमन्त्री डाक्टर युवराज खतिवडाले गर्ने कार्यक्रम छ ।

यस्तै, राष्ट्रिय योजना आयोगका उपाध्यक्ष डाक्टर पुष्प कँडेल, सदस्य मीनबहादुर शाहीले सम्मेलनलाई सम्बोधन गर्नुहुनेछ । लगानी प्रवद्र्धन सम्मेलनमा देशका प्रतिष्ठीत उद्योगी व्यवसायीहरु, नेपाल सरकारका उच्चपदस्थ अधिकारीहरु, नेपाल स्थित कुटनीतिक नियोग तथा दातृ निकायका प्रतिनिधिहरु, बैंक तथा वित्तिय संस्थाका प्रतिनिधिहरु सहभागी हुनेछन् ।

सम्मेलनका क्रममा जुम्लामा रहेका लगानीका अवसरका क्रममा छलफल हुनेछ भने स्थानीय विज्ञहरुले कृषि, पर्यटन तथा गैरवन पैदावार जडिबुटीका सम्भावनाका सम्बन्धमा छुट्टाछुट्टै कार्यपत्र प्रस्तुत गर्नुहुनेछ ।

भौतिक विकास र मानवविकासका दृष्टिले पिछडीएको कर्णालीमा यो लगानी सम्मेलनले ठूलो अर्थ राख्ने मेयर सेजुवालले दावी गर्नुभयो । ‘जुम्लाको चन्दननाथ नगरपालिकाको अग्रसरतामा लगानी सम्मेलन आयोजना गर्न लागिएको भए पनि यसले समग्र कर्णाली प्रदेशको विकास र अग्रगमनको लक्ष्य लिएको छ’, उहाँले भन्नुभयो ।

अन्तिम अपडेट: फागुन २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्