रसुवागढी जलविद्युत् आयोजनाले आउँदो असारदेखि विद्युत् उत्पादन सुरु गर्ने

पुष ३, २०७८ शनिबार १५:५:५३ | उज्यालो सहकर्मी

रसुवा – रसुवामा निर्माण भइरहेको एक सय ११ मेगावाट क्षमताको रसुवागढी जलविद्युत् आयोजनाले २०७९ सालको असारदेखि विद्युत् उत्पादन सुरु गर्ने भएको छ । आयोजनाको पछिल्लो समय संशोधित विद्युत् उत्पादनको तालिका अनुसार नै निर्माण सम्पन्न गर्ने गरी कामलाई तिब्रता दिइएको छ । आयोजनाको ८३ प्रतिशत भौतिक प्रगति भएको छ ।

आयोजनाका अनुसार अहिले इलेक्ट्रोमेकानिकल तर्फ उपकरण जडानको काम भइरहेको छ । कोरोनाको कारण देखाएर भारत फर्किएको निर्माण टोली गएको छठपछि निर्माणस्थलमा आएको थियो । त्यसयता टोलीले उपकरण जडानको कामलाई निरन्तरता दिएको छ । इलेक्ट्रोमेकानिकल निर्माणको जिम्मा पाएको भोइठ हाइड्रो इण्डियाले गएको छठदेखि काम सुरु गरेको आयोजनाले जनाएको छ । आयोजनाले तीनवटा पानी थिग्र्याउने पोखरी निर्माण गर्नुपर्नेमा दुईवटाको काम सकाएको छ भने एउटाको आधा काम सकिएको छ ।

आयोजनाले तोकिएको समयसीमा भित्रै काम सम्पन्न गर्ने गरी योजना बनाएर काम गरिरहेको रसुवागढी हाइड्रोपावर कम्पनी लिमिटेडका प्रमुख कार्यकारी अधिकृत (सिइयो) छबी गैरेले बताउनुभयो ।

रसुवाको गोसाइँकुण्ड गाउँपालिका–२, टिमुरेमा निर्माण भइरहेको यस आयोजनाको निर्माण कार्य २०७० माघदेखि सुरु भएको हो । निर्माणाधीन आयोजनाको कुल लागत १३ अर्ब ६८ करोड ४२ लाख रुपैयाँ रहेको छ ।

अन्तिम अपडेट: माघ १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्