काठमाण्डौमा बिजुली गएको गयै, केही ठाउँमा २० घण्टासम्म बत्ती आएन

पुष १५, २०७८ बिहीबार १४:११:१७ | उज्यालो सहकर्मी

काठमाण्डाै – काठमाण्डौ उपत्यकामा बिजुली गएको गयै गर्न थालेको छ । हिउँद लागेपछि केही ठाउँमा बिजुली जान थालेकोमा अस्ति मङ्गलवारदेखि भने धेरैजसो ठाउँमा बिजुली गएको हो ।

सूचनाविना नै घण्टौँसम्म बत्ती जाने गरेको उपभोक्ताले गुनासो गरेका छन् । केही ठाउँमा २० घण्टासम्म पनि बत्ती नआएको उपभोक्ताले बताएका छन् । अनामनगरमा हिजो बुधवार दिँउसो १ बजेपछि गएको बिजुली आज बिहान साढे १० बजे मात्रै आएको न्युज एजेन्सी नेपालका पत्रकार सबिन धमलाले बताउनुभयो । बिजुली नहुँदा कार्यालयको काम पूरै प्रभावित भएको धमलाको भनाइ छ ।

यस्तै हात्तीवनको सितापाखा क्षेत्रमा हिजो बेलुका ८ बजे गएको बिजुली बिहान १० सम्म नआएको गोरखापत्रमा काम गर्ने पत्रकार प्रकृति अधिकारीले गुनासो गर्नुभयो । विद्युतको कार्यालयमा फोन गर्दा ‘हामी मर्मत गर्दैछौँ’ भन्ने जवाफ पाउने गरेको तर मर्मत सम्पन्न गरेर बिजुली भने नआएको उहाँले बताउनुभयो ।

गौशाला, इमाडोल, चापागाउँ, स्वयम्भू, कीर्तिपुर, नेपालटार, नयाँ बानेश्वर लगायतका ठाउँका उपभोक्ताले पनि धेरै पटक बिजुली काटिएको गुनासो गरेका छन् । काठमाण्डौबाहिर पनि यस्ता समस्या देखिएको छ ।

नेपाल विद्युत् प्राधिकरणले माग धेरै भएकाले यस्तो समस्या देखिएको जनाएको छ । प्राधिकरणका प्रवक्ता सुरेशबहादुर भट्टराईले जाडोको समयमा १७ सय मेगावाटसम्म बिजुलीको माग रहेको बताउनुभयो । मागभन्दा आपूर्ति धेरै भए पनि पुराना ट्रान्सफर्मर, विद्युत् वितरण प्रणाली लगायतका कारण समस्या भएर बत्ती जाने समस्या बढेको उहाँको भनाइ छ । कतिपय ठाउँमा भने मर्मत गर्ने काम भइरहेकाले पनि बिजुली गएको भट्टराईले बताउनुभयो ।

अन्तिम अपडेट: माघ १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

dhama paudyal
Dec. 30, 2021, 4:24 p.m.
मेरो घर् सिनामङ्गल् एरियामा हिजो साँज् ८ बजे गयेको बत्ति आज बिहान् ११।१५ मा आयो त्यो पनि १५ मिनेट। फेरि गयो फेरि गयो फेरि गयो २ दिन मा १५ पटक जाने आउने गर्यो।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्
लोक
Dec. 30, 2021, 4:15 p.m.
समय र् अवस्था अनुसार राजतन्त्रमानै बिकास भयकोथियो भनेर किन खुलेर बोल्दैन मिडिया? गणतन्त्रले के दियो ?
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

काठमाण्डौमा बिजुली गएको गयै, केही ठाउँमा २० घण्टासम्म बत्ती आएन

2 Comments

dhama paudyal

तपाईको प्रतिक्रिया

लोक

तपाईको प्रतिक्रिया

तपाईको प्रतिक्रिया