नेपालमा जलचराको सङ्ख्या घट्दै : विषादीको प्रयोग र जलवायु परिवर्तन मुख्य कारण

पुष २७, २०७८ मंगलबार ७:१९:२१ | उज्यालो सहकर्मी

काठमाण्डाै - नेपालमा जलचराको सङ्ख्या घट्दै गएको छ । प्रजातिमा कमी नदेखिए पनि सङ्ख्यामा भने कमी हुँदै गएको हो ।

ताल, तलाउ, पोखरी, नदीनाला, जलाशय, सिञ्चित क्षेत्र, घाँसे मैदान जस्ता सिमसार क्षेत्रमा प्रजनन गर्ने, चरन गर्ने र आफ्नो धेरै समय बिताउने आश्रित चरालाई जलपक्षी वा पानी चरा भनिन्छ।

राप्ती नदी र चितवन आसपास क्षेत्रमा जलपक्षी गणनामा संलग्न ‘बर्ड एजुकेशन सोसाइटी’का अध्यक्ष रमेश चौधरीले यसपालि त्यस क्षेत्रमा केही नयाँ प्रजातिका चरा देखिए पनि सङ्ख्या भने घट्दो अवस्थामा रहेको बताउनुभयो ।

यो क्षेत्रमा गएको वर्ष ५५ प्रजातिका नौ हजार ५ सय ६५ चरा फेला परेका थिए । उहाँका अनुसार बासस्थानमा बढ्दो मानवीय गतिविधि, विषादीको प्रयोग, अवैध चरा सिकार तथा व्यापार, बदलिँदो तापमान र जलवायु परिवर्तन जस्ता कारणले पनि जलपक्षी विस्थापित हुँदै गएका छन् ।

उहाँले यकिन तथ्याङ्क भने सबै गणना सम्पन्न भएपछि मात्रै भन्न सकिने बताउनुभयो । नेपालमा अभिलेख भएका ८ सय ८९ प्रजातिका चरामा २ सयको हाराहारी जलपक्षी छन् । तिनमा पनि झण्डै १ सय प्रजाति हिउँदे आगन्तुक चरा रहेका छन् ।

अन्तिम अपडेट: माघ १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्