भक्तपुरमा ट्याटु खाेपाउन गएका एक पुरुषकाे ज्यान गयाे

 पुस २९, २०७८ बिहिबार १६:९:२० | उज्यालो सहकर्मी
unn.prixa.net

प्रतिकात्मक तस्बिर

भक्तपुर – भक्तपुरमा ट्याटु खोपाउन गएका एक पुरुषको ज्यान गएको छ । मध्यपुरथिमि नगरपालिका १ लोकन्थली घर भइ काठमाण्डाैकाे कोटेश्वर बस्ने ३३ वर्षीय विराज खड्काको ज्यान गएकाे भक्तपुर प्रहरीले जानकारी दिएको छ ।  

खड्का हिजाे बुधवार राति साढे ९ बजेकाे समयमा लोकन्थली मनहरा आँखा अस्पताल नजिकै रहेको आरुष मल्लले सञ्चालन गरेका इन्क ट्याटुमा ट्याटु खोपाउन जानुभएको थियो । त्यहाँ अरूले पनि ट्याटु खोपिरेहका बेला उहाँ पालो कुरिरहनुभएको थियो । पालो कुर्दाकुदै खड्का बेहोस भएर एकैछिनमा ज्यान गएको प्रहरीले जनाएको छ । 

खड्का दमका समेत बिरामी रहेका र धेरै जाँड–रक्सी खाने गरेका पाइएको छ । उहाँको पोस्टमार्टमका लागि शव काठमाण्डौ मेडिकल कलेजमा राखिएको छ । शव पोस्टमार्टमपछि मात्रै ज्यान जानुको कारण थाहा हुने प्रहरीले जनाएको छ । 

अन्तिम अपडेट: फागुन २८, २०८०

तपाईको प्रतिक्रिया