करोडमा बिक्यो चलचित्र ‘छक्का पञ्जा ३’ को ओभरसिज राइट्स

भदौ ३१, २०७५ आइतबार १०:२८:५७ | उज्यालो सहकर्मी

नेपाली चलचित्र क्षेत्रमा त्यस्ता धेरै उदाहरणहरु छन्, चलचित्र निर्माण हुन्छ र दुई दिन पनि हलमा राम्रोसँग लाग्न नपाउँदै हलबाटै उत्रिन्छ । तर त्यही भिडमा यस्ता चलचित्रहरु पनि निर्माण भएका छन् । जसले चलचित्र लाग्ने टुंगो नहुँदै करोडौंको व्यापार गरेका छन् । त्यही उदाहरण मध्यको एक हो चलचित्र ‘छक्का पञ्जा ३’ ।

चलचित्र ‘छक्का पञ्जा ३’ रिलिज यसै दिन हुन्छ भन्ने अझै यकिन भइसकेको छैन । निर्माण पक्ष दशैंमा प्रदर्शन गर्ने भन्दै आएको छ । दशैंको घटस्थापनाका दिन अथवा फुलपातीका दिन, कुन दिन रिलिज गर्ने भन्ने टुंगो लागेको छैन । दर्शकहरुका निम्ति बहुप्रतिक्षित चलचित्र हो ‘छक्का पञ्जा ३’ । यसै बीच चलचित्र ‘छक्का पञ्जा ३’ को ओभरसिज राइट्स निकै महँगो मूल्यमा बिक्री भएको छ । यो चलचित्र हाइलाइट्स नेपालले एक करोडमा खरिद गरेको बुझिएको छ ।

अब भने यस चलचित्रको विदेश प्रदर्शनको सम्पूर्ण जिम्मेवारी हाइलाइट्सको हातमा रहने छ । त्यससँगै मूल्य तोक्ने जिम्मेवारीसमेत हाइलाइट्सकै रहने चलचित्रकी निर्देशक दिपाश्री निरौलाले बताइन् ।

हाइलाइट्सले यसअघि पनि ‘छक्का पञ्जा २’ को डिजिटल र ओभरसिज राइट्स ९५ लाखमा खरिद गरेको थियो । तर यस पटक भने चलचित्रको डिजिटल राइट्स बिक्री नगरिएको निर्देशक निरौलाको भनाइ छ ।

चलचित्रको ’पहिलो नम्बरमा’ बोलको गीतले सर्वाधिक सफलता हात पारिसकेको छ । अहिले ‘पछि उमेर ढल्किन्छ’ गीत सार्वजनिक भएको छ । अर्जुन पोख्रेलको संगीत रहेको उक्त गीतमा निशान भट्टराइको आवाज छ । ‘पछि उमेर ढल्किन्छ’ बोलको गीत यति बेला निकै चर्चामा छ ।

चलचित्रमा दीपकराज गिरीसँगै दीपिका प्रसाईं, केदार घिमिरे, जितु नेपाल, नीर शाह, शिवहरी पौडेल, विल्सनविक्रम राई, किरण केसी, बुद्धि तामाङलगायतका कलाकारहरुले अभिनय गरेका छन् ।

दीपकराज गिरीको कथा रहेको चलचित्रमा केदार घिमिरे (माग्ने बुढा) र जितु नेपाल (मुन्द्रे) कार्यकारी निर्माताको रुपमा छन् ।

–उज्यालाे र गफगाफ डटकमकाे सहकार्य

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्