सुनको भाउ फेरि निरन्तर बढ्ने क्रममा : आज एकैदिन तोलामा १ हजा...
मंसिर ९, २०८१ आइतबार
आकर्षक तलबकाे लाेभ देखाएर एक महिलालाई कुवेत पुर्याइ १८ घन्टासम्म काममा लगाइयाे
काठमाण्डाै – आकर्षक तलबको लोभ देखाएर एक महिलालाई कुवेत पुर्याइ १८ घण्टासम्म काममा लगाएर मानसिक र शारीरिक यातना दिएको पाइएको छ । प्रहरीको मानव बेचबिखन अनुसन्धान ब्युरोका अनुसार पीडित महिलाले दिएको सूचनाका आधारमा उनलाई कुवेतबाट उद्धार गरिएको छ भने आरोपीमध्ये दुई जनालाई पक्राउ गरिएको छ ।
ब्युरोका प्रहरी उपरीक्षक (एसपी) दानबहादुर मल्लले पीडितको जाहेरीपछि पक्राउ पर्नेमा उदयपुरका ४४ वर्षीय रवि थापा मगर भन्ने लालबहादुर मगर र इलामका डम्बर मगर भन्ने डम्बरबहादुर दर्लामी रहेका जानकारी दिनुभयो । केही आरोपी कुवेतमै रहेको र केही फरार रहेकाले खोजी जारी रहेको उहाँले बताउनुभयो ।
ब्युरोमा प्राप्त विवरणअनुसार ती व्यक्तिहरूले सुरुमा कुवेतमा रहेको रेस्टुरेन्टमा वेट्रेसको काममा मासिक आकर्षक तलब दिने र त्यहाँ राम्रो काम गरेपछि पोर्चुगल र अमेरिकाका रेस्टुरेन्टमा समेत पठाइदिने लोभ देखाएर गएको मङ्सिरमा त्रिभुवन अन्तर्राष्ट्रिय विमानस्थलबाट भ्रमण भिसामा यूएई हुँदै कुवेत पुर्याएका थिए ।
कुवेत पुगेपछि उनलाई अन्य एजेन्टमार्फत् एक हजार ३०० दिनारमा बिक्री गरेको खुलेको छ । त्यसपछि उनलाई दैनिक १८ घण्टासम्म श्रम शोषण गरी मानसिक र शारीरिक यातना दिएको महिलाले दिएको जाहेरीमा उल्लेख छ ।
आफूले यातना पाएको भनी उनले दिएको सूचनाका आधारमा परिवारले ब्युरोमा उजुरी दिएका थिए । ब्युरोले कुवेतमा रहेकाे नेपाली राजदूतावाससँगको समन्वयमा उनलाई यही माघ ४ गते उद्धार गरी नेपाल फर्काएको थियो । पीडित महिलाले मानव बेचबिखन तथा ओसारपसार नियन्त्रण ऐन २०६४ बमोजिम हदैसम्मको कारबाही गरी पाउँ भनी माघ १० गते जाहेरी दिएकी थिइन् ।
अहिले कुवेतमै रहेका एक आरोपीले पीडितको मोबाइल नियन्त्रणमा लिई उनको फेसबुकबाट विभिन्न व्यक्तिलाई अश्लिल कुराकानी गर्ने र त्याे कुराको रेकर्ड पीडितका श्रीमान् लगायतका आफन्तलाई पठाइ धम्की दिने गरेको खुल्न आएको छ ।
उनीहरूले पीडित महिलालाई धम्की दिई कुवेतमा आफूखुसी आएको र बेचबिखनमा परेको होइन, नेपाल गएपछि यस विषयमा उजुरी गर्ने छैन भन्ने बेहोराको कागज गराइ भिडियोसमेत बनाएको खुल्न आएको छ ।
यस घटनामा संलग्न रहेका अन्य फरार व्यक्तिको खोजी जारी रहेको ब्युरोले जानकारी दिएको छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
भारतबाट आउने तरकारीका कारण नेपाली किसान समस्यामा
मंसिर ९, २०८१ आइतबार
-
साउनयता ५५ जना गर्भवती तथा सुत्केरीको उद्धार
मंसिर ९, २०८१ आइतबार
-
पूर्व मन्त्री पदम राईको निधन
मंसिर ९, २०८१ आइतबार
-
पश्चिमी वायुको सामान्य प्रभाव : कोशी र गण्डकी प्रदेशका पहाडी ए...
मंसिर ९, २०८१ आइतबार
-
कोप २९ : गरिब देशलाई वर्षेनि तीन सय विलियन डलर दिन धनी देश...
मंसिर ९, २०८१ आइतबार
-
धरहरा चढ्न आजदेखि शुल्क तिर्नुपर्ने
मंसिर ९, २०८१ आइतबार
-
साविक विजेता सीटी टोटनह्यामसँग पराजित, चेल्सी र आर्सनल विजयी
मंसिर ९, २०८१ आइतबार
-
भारतको महाराष्ट्रमा सत्तारुढ भाजपा नेतृत्वको गठबन्धनलाई अत्यधिक...
मंसिर ९, २०८१ आइतबार
-
एसीसी १९ वर्षमुनिको एशिया कपका लागि नेपाली टोलीको घोषणा
मंसिर ९, २०८१ आइतबार
-
पाकिस्तानमा धार्मिक हिंसा भड्किँदा कम्तीमा ३२ जनाको ज्यान गयो
मंसिर ८, २०८१ शनिबार
-
काठमाण्डाैमा आज ३ वटा शव भेटिए
मंसिर ८, २०८१ शनिबार
-
श्रीलङ्काका सांसदले विलासी गाडी किन्न नपाउने
मंसिर ८, २०८१ शनिबार
-
टिकटक र चाइल्ड सेफनेटले बालबालिका र युवाको डिजिटल सुरक्षाका...
मंसिर ८, २०८१ शनिबार
विचार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
-
डेङ्गी सङ्क्रमणको उच्च जोखिम कात्तिक मसान्तसम्म
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
सुरेश राइ
Feb. 4, 2023, 1:10 p.m.सुरेश राई उदयपुर हाल युएई नेपाल सरकारले चासो राखने हिम्मत गरे नेपालीको हितमा काम यदि गर्थें भने आज यी सब कुरा जनताका छोराछोरी ले दुख पाउनु त परको कुरा हो सरकारले देसमै आफ्नो जन्तालाइ रोजगारी दिन सक्ने थियो तर बिडम्बना के छ भन्दा न्यायलय न्यायाधीश सर्बोच्च सरकार प्रसासन यिनिहारु भन्दा माथी माफिया घुसपैठ भ्रष्टाचार कमिसनखोर दलाल छ्न तिनैले चलाको यो देस हो याहा सरकार ,न्यायाधीश ,सर्बोच्च ,ब्यूरो ,प्रसास्स्न,न्यायपालिका ,सबै मिलेका हुन्छन कारण पोइसा ।साच्चिकै भन्ने हो भने यिनिहरुले मानव बेच बिखन मात्र हैन ताल परे आफ्नै स्वास्नी दिदिबहिनी आमा पनि बेच्न सक्छन । यी यस्ताहरुलाइ किन ती प्रसासनले समाउदैन ? किन कि प्रसासन नै त्यो बाटो खन्ने बुल डोजर हो जहाँ हजारौं तस्करी सजिलोसँग आफ्नो व्यापार गर्न सक्छ । अर्को कुरा नेपालको दिदीबहिनीको दिमाख यसरी भरियको छ कि बिदेस गयर धनी हुने अब ती बलात्कार तनाब मेन्ट्स्ल्ली टचर भोगेका महिला लाई भेटेर सोध्नुस कि बिदेस सोचेजस्तो हुदो रैछ या हुदैन रहेछ भनेर धन्यवाद