नेकपा एमालेका उपाध्यक्ष तथा पूर्वअर्थमन्त्री विष्णु पौडेलको जन्म २०१६ साल मंसिर १५ गते पुतलीबजार, स्याङ्जामा भएको हो । देवीलाल र रेवती पौडेलका छोरा विष्णुप्रसाद पौडेलले माध्यमिक तहसम्म पढ्नु भएको छ ।
पौडेल २०३३ सालदेखि राजनीतिमा सक्रिय हुनुभएको हो । पौडेल २०६४ सालको संविधानसा चुनावमा रुपन्देही क्षेत्र नम्बर ४ बाटै विजयी हुनुभएको थियो । पौडेल गणतन्त्र नेपालको पहिलो संयुक्त सरकारको जलश्रोत मन्त्री हुनु भयो ।
२०३७ सालमा ३ वर्ष राजकाजको मुद्दा खेपेका पौडेलले ३ हजार रुपैयाँ जरिवानासहित भैरहवा जेल चलान भएपछि ४५ दिनको परिश्रमपछि जेल विद्रोह गर्नुभएको थियो । २०५१ सालमा प्रतिनिधिसभा सदस्य समेत भइसकेका पौडेल २०५३ सालमा युवा खेलकुद तथा संस्कृति मन्त्री हुनु भएको थियो ।
२०७४ सालको चुनावमा रुपन्देही क्षेत्र नम्बर २ बाट विजयी हुनुभएका पौडेल एमाले र माओवादी एकीकरण भएर बनेको नेकपामा महासचिव हुनुहुन्थ्यो ।