सिन्धुलीमा आठ करोड मूल्य बराबरको गाँजा खेती नष्ट

कात्तिक ३०, २०७५ शुक्रबार २०:१५:५२ | रासस

सिन्धुली – प्रहरीले शुक्रबार २५ बिघामा लगाइएको गाँजा खेती नष्ट गरेको छ ।

प्रहरीले मरिण गाउँपालिका–१ को टुँडिखेल, बेदपानी र वडा नम्बर ३ को बरुण भलाइमा लगाइएको गाँजा नष्ट गरेको हो । जिल्ला प्रहरी कार्यालयका प्रहरी नायव उपरीक्षक लोकदर्शन थापाको नेतृत्वमा खटिएको टोलीले शुक्रबारबाट गाँजा खेती नष्ट गर्ने अभियान सुरु गरेको छ ।

अहिलेसम्म वडा नम्बर १ को टुँडिखेल र भलायो बरुणमा लगाइएको चार बिघा तथा वडा नम्बर ३ मा २१ बिघामा लगाइएको गाँजा खेती नष्ट गरिएको प्रहरी नायव उपरीक्षक थापाले जानकारी दिनुभयो ।

यस क्षेत्रमा ठूलो परिमाणमा लगाइएको १५ बिघाभन्दा बढी क्षेत्रफलको गाँजा खेती शनिबार नष्ट गर्ने र विस्तारै कम परिमाणमा लगाइएको गाँजा खेती नष्ट गर्ने अभियान चलाइएको समेत उहाँले बताउनुभयो ।

सिन्धुलीको मरिण गाउँपालिका र हरिहरपुरगढी गाउँपालिकामा गरी अन्दाजी ४० बिघाको क्षेत्रफलमा व्यावसायिक गाँजा खेती नष्ट गरेको प्रहरीको अनुमान छ ।

प्रहरी नायव महानिरीक्षक दीपक थापाको विशेष निर्देशनमा प्रहरीले गाँजा खेती नष्ट गर्ने अभियानको सुरुआत गरेको छ । प्रहरीले आठ करोड मूल्य बराबरको गाँजा खेती नष्ट गरेको दाबी गरेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्