काठमाण्डाै – पाकिस्तान टेस्ट क्रिकेट टिमको कप्तानी शन मसूदले नै गर्ने भएका छन् । पाकिस्तान क्रिकेट बोर्ड (पीसीबी) र मुख्य प्रशिक्षक जेसन गिलेस्पीले टेस्ट टिमको कप्तानमा शन मसूदमाथि भरोसा देखाएको समाचार संस्था डेकन हेराल्डले जनाएको छ ।

शन मसूद गएको वर्षको नोभेम्बरमा पाकिस्तान टेस्ट टिमको कप्तान बनेका थिए । यस्तै एकदिवसीय र टी–२० अन्तर्राष्ट्रिय क्रिकेटमा बाबर आजमको कप्तानीबारे पछि निर्णय लिइने खबरमा उल्लेख छ ।

पाकिस्तानले आउँदो अक्टोबरमा इङ्गल्यान्डसँग ३ खेलको टेस्ट शृङ्खला खेल्दैछ । यस्तै बङ्गलादेश, दक्षिण अफ्रिका र वेस्ट इन्डिजसँग पनि खेल्ने तालिका छ ।

यस्तै पाकिस्तान क्रिकेट बोर्डको बैठकमा भर्खरै सकिएको आईसीसी टी–२० विश्वकपमा टिमको खराब प्रदशर्नलाई लिएर पनि चर्चा भएको थियो । बाबर आजमको कप्तानीमा टी–२० विश्वकप खेलेको पाकिस्तान पहिलो चरणबाटै बाहिरिएको थियो ।