देशका धेरै ठाउँमा रातिदेखि झरी, आज पनि केही ठाउँमा ठूलो पानी पर्ने सम्भावना

असार २८, २०८१ शुक्रबार ९:११:० | उज्यालो सहकर्मी

काठमाण्डौ – देशका धेरै ठाउँमा रातिदेखि झरी परेको छ । दिउँसो पनि कोशी, मधेस, बाग्मती, गण्डकी र लुम्बिनी प्रदेशका धेरै ठाउँहरु तथा कर्णाली र सुदूरपश्चिम प्रदेशका धेरै ठाउँहरुमा हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।

महाशाखाका अनुसार दिउँसो कोशी, मधेस, बाग्मती, र गण्डकी प्रदेशका केही ठाउँहरुमा, लुम्बिनी प्रदेशको थोरै ठाउँहरुमा साथै सुदूरपश्चिम र कर्णाली प्रदेशका एक, दुई ठाउँमा ठूलो पानी पर्ने सम्भावना छ । लगातार र ठूलो पानी परेका ठाउँका नदी, खोलाहरुमा बाढी आएको छ ।

नारायणी र मर्स्याङ्दी नदीले सतर्कता तह पार गरेको बाढी पूर्वानुमान महाशाखाले जनाएको छ । चितवनको देवघाट र नारायणी नदीको पुल, सिन्धुलीको कमला र बाराको पसाह खोलामा जलसतहले सतर्कता तह पार गरेकाले नदी तटीय क्षेत्रमा बस्नेहरुलाई सतर्कता अपनाउन महाशाखाले अनुरोध गरेको छ ।

जल तथा मौसम विज्ञान विभागले भोलिसम्म देशका विभिन्न ठाउँमा ठूलो पानी पर्न सक्ने अनुमान गरेको छ । विभागका अनुसार देशको पूर्वी र मध्य भागका धेरैजसो जिल्लामा छोटो अवधिमा धेरै पानी पर्न सक्ने जोखिम छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

देशका धेरै ठाउँमा रातिदेखि झरी, आज पनि केही ठाउँमा ठूलो पानी पर्ने सम्भावना

फाइल तस्बिर

तपाईको प्रतिक्रिया