काठमाण्डाै – काठमाण्डौमा जुवा खेल्दै गरेका नौ जना पक्राउ परेका छन् । गएराति काठमाण्डौ महानगरपालिका-४ चुनदेवीमा रहेको यमकुमारी आलेको घरमा जुवा खेलिरहेका नौ जनालाई पक्राउ गरेको जिल्ला प्रहरी परिसर काठमाण्डौले जनाएको छ ।

पक्राउ पर्नेमा सिन्धुपाल्चोक घर भई काठमाण्डौ-६ जोरपाटी बस्ने ४६ वर्षीय अशोक लामा, ताप्लेजुङ घर भई काठमाण्डौको टोखा नगरपालिका-५ बस्ने ३८ वर्षीय नारायण लाबुङ, काठमाण्डौको बूढानीलकण्ठ नगरपालिका-५ देउला टोलका २१ वर्षीय कबिर देउला र ३३ वर्षीया सरिता देउला, काठमाण्डौ-१९ वसन्तपुरका २१ वर्षीय निलेश महर्जन, काठमाण्डौ-१९ कै इनाटोलका ४५ वर्षीय राजेश श्रेष्ठ रहेका छन् । यस्तै काठमाण्डौ-१३ कालीमाटीका ४८ वर्षीय विवेक महर्जन, काठमाण्डौ-१५ डल्लुका ४८ वर्षीय दीपक महर्जन र ५२ वर्षीय प्रकाश शाहीलाई पक्राउ गरेको जिल्ला प्रहरी परिसर काठमाण्डौका प्रहरी उपरीक्षक नवराज अधिकारीले जानकारी दिनुभयो ।

प्रहरीले उनीहरूको साथबाट १० लाख ११ हजार रुपैयाँसहित जुवा खेलाउन प्रयोग भएको १३ वटा ओखर बरामद गरेको छ ।