बङ्गलादेशमा विद्यार्थी आन्दोलनका क्रममा ज्यान गुमाउनेको सङ्ख्या एक हजारभन्दा धेरै

चार सय जनाभन्दा धेरैको आँखाको ज्याेति गुम्याे

भदौ १४, २०८१ शुक्रबार १५:१९:३२ | एजेन्सी

बङ्गलादेशमा सरकारी जागिरमा आरक्षणको विरोध गर्दै विद्यार्थीहरूले गरेको आन्दोलनका क्रममा एक हजार जनाभन्दा धेरैको ज्यान गएको पाइएको छ ।

बङ्गलादेशकी स्वास्थ्य सल्लाहकार नुरजहाँ बेगमले आन्दोलनका क्रममा एक हजार जनाभन्दा धेरैको ज्यान गएको र स्पष्ट विवरण तयार पार्ने काम भइरहेको बताउनुभएको समाचार संस्था रोयटर्सले जनाएको छ ।

यस्तै आन्दोलनका क्रममा चार सय जनाभन्दा धेरैले आँखाको ज्योति गुमाएका पनि उहाँले जानकारी दिनुभएको छ । राजरबाघमा रहेको केन्द्रीय प्रहरी अस्पतालमा आन्दोलनका क्रममा घाइते भएकाहरूलाई भेट्न गएको समयमा उहाँले पत्रकारहरूसँग कुरा गर्दै क्षतिबारेमा जानकारी गराउनुभएको हो ।

यसअघि मानव अधिकार सहायता समाजले आठ सय १९ जनाको ज्यान गएको विवरण सार्वजनिक गरेको थियो ।

यस्तै जुलाई १६ देखि अगस्ट ११ सम्म आन्दोलनको क्रममा बङ्गलादेशमा ६ सय ५० जनाको ज्यान गएको मानव अधिकारका लागि यूएनको उच्च आयुक्तको कार्यालयको प्रारम्भिक प्रतिवेदनले देखाएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बङ्गलादेशमा विद्यार्थी आन्दोलनका क्रममा ज्यान गुमाउनेको सङ्ख्या एक हजारभन्दा धेरै

चार सय जनाभन्दा धेरैको आँखाको ज्याेति गुम्याे

फाइल फाेटाे

तपाईको प्रतिक्रिया