राजधानी र नामको विवादले प्रदेश तीनको प्रदेशसभा बैठक स्थगित

मंसिर १२, २०७५ बुधबार १४:५३:१४ | हरि हुमागाईं

मकवानपुर – तीन नम्बर प्रदेशको प्रदेशसभाको बैठक फेरि अनिश्चित कालका लागि स्थगित भएको छ ।

सभामुख सानुकुमार श्रेष्ठले अर्को सूचना नआएसम्मका लागि बैठक स्थगित गर्नुभएको हो । विशेषगरी यस प्रदेशको राजधानीको विषय र नामाकरणको विषयमा सहमति जुट्न नसकेपछि पाँचवटा विधेयक पास गरेपछि बैठक स्थगित गरिएको सभामुख सानुकुमार श्रेष्ठले बताउनुभयो ।

४९ दिनपछि मंसिर १० गतेबाट सुरु भएको प्रदेशसभा बैठक हिजोसम्म दुई दिनका लागि चलेर स्थगित गरिएको हो । यस प्रदेशका सांसदहरुले राजधानीको विषय र नामाकरणको विषय छिटो टुङ्ग्याउनका लागि माग गरेका छन् । तर अहिले तीन नम्बर प्रदेशका मुख्यमन्त्री डोरमणि पौडेल पनि कतार भ्रमणमा रहेको र नेकपाको केन्द्रीय नेतृत्वबाट पनि राजधानीको विषयमा के गर्ने भन्ने सर्कुलर नआएकाले प्रदेशसभा बैठक समेत अनिश्चित बनेको हो ।

तीन नम्बर प्रदेशसभाको हिजोकोे बैठकबाट पाँच वटा विधेयक पास भएका छन् । मन्त्रिपरिषद बैठकले निणय गरेर संसदमा पठाएका पाँचवटा विधेयकहरु डेढ महिनादेखि संसद बैठक नचल्दा पास हुन सकेको थिएन । आजको प्रदेशसभाको वैठकबाट आन्तरिक मामिला तथा कानुन मन्त्रालयले पेस गरेको ‘प्रदेश सञ्चारमाध्यम व्यवस्थापन गर्न बनेको विधेयक’ र ‘प्रदेश संंस्था दर्तासम्बन्धी व्यवस्था गर्न बनेको विधेयक’को प्रतिवेदनसहित सभाबाट पास भएको छ ।

यस्तै आर्थिक मामिला तथा योजना मन्त्रालयको ‘प्रदेश कार्य सञ्चालन कोष–२०७५ विधेयक’ पनि प्रतिवेदनसहित प्रदेशसभाबाट पास भएको छ । आजकै वैठकमा सामाजिक विकास मन्त्रालयको ‘प्रदेश खेलकुद विकास गर्ने सम्बन्धमा व्यवस्था गर्न बनेको विधेयक’ पनि प्रदेशसभाबाट पास भएको छ । यस्तै आजै ‘प्रदेश प्राविधिक शिक्षा व्यवस्थापन गर्न बनेको विधेयक’ पनि पास भएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्