रुसले युक्रेनमा पहिलो पटक अन्तरमहादेशीय ब्यालेस्टिक क्षेप्यास्त्र प्रहार गर्‍याे

मंसिर ६, २०८१ बिहीबार १६:४५:५६ | एजेन्सी

रुसले युक्रेनमा अन्तरमहादेशीय ब्यालेस्टिक क्षेप्यास्त्र प्रहार गरेको छ । रुस–युक्रेन युद्धमा पहिलो पटक हजारौं किलोमिटर परसम्म प्रहार गर्नसक्ने शक्तिशाली क्षेप्यास्त्रको प्रयोग भएको युक्रेनको वायु सेनालाई उद्धृत गर्दै बीबीसीले जनाएको छ ।

युक्रेनले पहिलो पटक रुसको भित्री भागमा अमेरिका र बेलायतले दिएको लामो दूरीको क्षेप्यास्त्र प्रहार गरेपछि रुसले आज अन्तरमहादेशीय ब्यालेस्टिक क्षेप्यास्त्र प्रहार गरेको खबरमा उल्लेख छ ।

युक्रेनी वायु सेनाले रुसले विभिन्न प्रकारका क्षेप्यास्त्रहरूसहित डिनिप्रोलाई लक्षित गरी आक्रमण गरेको बताएको छ । रुसले आज बिहान डिनिप्रो क्षेत्रमा क्षेप्यास्त्र प्रहार गर्दा दुई जना घाइते भएका डिनिप्रोका क्षेत्रीय प्रमुखले बताएका खबरमा उल्लेख छ । रुसले ब्यालेस्टिक क्षेप्यास्त्रको प्रयोगबारे टिप्पणी गर्न अस्वीकार गरेको छ ।

युक्रेनी सेनाले रुसी आक्रमणका क्रममा ६ वटा के–१०१ क्रुज क्षेप्यास्त्र खसालेको बताएको छ । यस्तै रुसी रक्षा मन्त्रालयले आफ्नो हवाई प्रतिरक्षाले बेलायतले बनाएको दुई वटा स्टर्म स्याडो क्रुज क्षेप्यास्त्र खसालेको दाबी गरेको छ ।

ब्यालेस्टिक क्षेप्यास्त्रहरू प्रहार गरिएको क्षेत्रबाट हजारौं किलोमिटर टाढा जान सक्षम हुन्छन् । छोटो दूरी, मध्यम दूरी, मध्यवर्ती र लामो दूरी गरी चार प्रकारका ब्यालेस्टिक क्षेप्यास्त्र हुन्छन् । सबैभन्दा लामो दूरीको श्रेणाीमा पर्ने अन्तरमहादेशीय ब्यालेस्टिक क्षेप्यास्त्र पाँच हजार पाँच सय किलोमिटरभन्दा परसम्म पुग्न सक्षम हुन्छ । यसको अर्थ यो क्षेप्यास्त्रले संसारको कुनै पनि ठाउँमा प्रहार गर्न सक्छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रुसले युक्रेनमा पहिलो पटक अन्तरमहादेशीय ब्यालेस्टिक क्षेप्यास्त्र प्रहार गर्‍याे

गेटी इमेजेज

तपाईको प्रतिक्रिया