इजरायली सेनाले दक्षिणी लेबनानका नागरिकलाई आफ्नो घर नफर्किन चेतावनी दियो

मंसिर १५, २०८१ शनिबार ९:३०:२६ | एजेन्सी

इजरायली सेनाले दक्षिणी लेबनानका नागरिकलाई आफ्नो घर नफर्किन चेतावनी दिएको छ । गएको बुधवार इजरायल र लेबनानको हिजबुल्लाहबीच युद्धविराम भएपछि दक्षिणी लेबनानबाट विस्थापित भएका हजारौँ नागरिक आफ्ना घर फर्किने तयारीमा छन् । तर इजरायली सेनाले लेबनानको दक्षिणी क्षेत्रका ६० वटा गाउँमा नफर्कन मानिसहरूलाई चेतावनी दिएको बीबीसी हिन्दीले जनाएको छ ।

इजरायल र हिजबुल्लाहबीच गएको बुधवार नोभेम्बर २७ तारिखमा युद्धविराम भएको थियो । युद्ध शुरु भएपछि विस्थापित भएका हजारौँ लेबनानी विस्थापित मानिसहरू युद्धविरामपछि आफ्नो घर फर्किँदैछन् ।

विस्थापित नागरिकहरूमध्ये धेरैजसो लेबनानको दक्षिणी भागका बासिन्दा थिए । इजरायलले अहिले पनि हिजबुल्लाहले युद्धविराम विपरितका गतिविधि गरिरहेको भन्दै नागरिकलाई घर नफर्कन भनेको हो ।

इजरायली सेनाले लेबनानको दक्षिणी भागको नक्सा प्रकाशित गरेर नागरिकलाई नफर्कन भन्दै फर्किनेहले आफूलाई खतरामा पारिरहेको जनाएको छ ।

इजरायल र हिजबुल्लाह दुवैले एक अर्कालाई युद्धविराम सम्झौताको उल्लङ्घन गरेको आरोप लगाएका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इजरायली सेनाले दक्षिणी लेबनानका नागरिकलाई आफ्नो घर नफर्किन चेतावनी दियो

तस्बिर : एजेन्सी

तपाईको प्रतिक्रिया