पालिका तहको रिक्त पदमा हुने उपचुनावको तयारी पूरा

मंसिर १५, २०८१ शनिबार १५:३१:२२ | उज्यालो सहकर्मी

काठमाण्डौ – पालिका तहको ४१ रिक्त पदका लागि भोलि मतदान हुँदैछ । उपचुनावको सबै तयारी पूरा भएको निर्वाचन आयोगका सहसचिव एवम् प्रवक्ता नीता पोख्रेल अर्यालले जानकारी दिनुभयो । चुनाव हुने पालिकामा स्थापना गरिएका मतदान केन्द्रमा भोलि बिहान ७ बजे देखि बेलुका ५ बजेसम्म मतदान हुनेछ ।

नगरपालिकाको मेयर एक, उपमेयर एक, गाउँपालिका अध्यक्ष दुई, उपाध्यक्ष चार र वडाध्यक्ष ३३ गरी ४१ पदका लागि उपचुनाव हुन लागेको हो । उपचुनावमा तीन सय ७६ उम्मेदवार प्रतिस्पर्धामा रहेका छन् । यसअघि जिल्ला समन्वय समिति ओलखढुङ्गाको प्रमुखमा नेपाली कांग्रेसका उम्मेदवार टेकराज भट्टराई र कैलालीको प्रमुखमा टीकाकुमारी चौधरी (भूल) निर्विरिोध निर्वाचित भइसक्नुभएको छ ।

यस्तै रुकुम (पूर्वको पुथा उत्तरगङ्गा गाउँपालिका वडा नम्बर २ को अध्यक्षमा नेकपा माओबादीका जगत घर्ती निर्विरोध निर्वाचित भइसक्नुभएको छ । मतदान सकिएर सबै मतपेटिका तोकिएको मतगणनास्थलमा सङ्कलन भएपछि मतगणना कार्य शुरु हुनेछ । मतगणनाको अद्यावधिक परिणाम आयोगको बेवसाइटमा हेर्न सकिने आयोगले जनाएको छ ।

आयोगले मतदाता नामावलीमा नाम भएका सम्बन्धित निर्वाचन क्षेत्रका सम्पूर्ण मतदाताले आफूलाई मन परेको उम्मेदवारलाई मतदान गरी आफ्नो मताधिकारको प्रयोग गर्न आह्वान गरेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पालिका तहको रिक्त पदमा हुने उपचुनावको तयारी पूरा

प्रतीकात्मक तस्बिर

तपाईको प्रतिक्रिया