क्यान्सरविरुद्धको खोप बनाएको रुसको दाबी

पुष ४, २०८१ बिहीबार १२:२४:३० | एजेन्सी

रुसले क्यान्सरविरुद्धको खोप निर्माण गरेको दाबी गरेको छ । रुसी स्वास्थ्य मन्त्रालयअन्तर्गतको रेडियोलोजी मेडिकल रिसर्च सेन्टरका निर्देशक आन्द्रेई काप्रिनले क्यान्सरको खोप बनाउन सफल भएको पुष्टि गरेको अन्तर्राष्ट्रिय सञ्चारमाध्यमले जनाएका छन् ।

भ्याक्सिनको नाम भने राखिएको छैन । रुसले खोजलाई शताब्दीकै ठूलो भएको दाबी गरेको छ । रुसी सरकारले आउँदो वर्ष सन् २०२५ को शुरूमा यो खोप सार्वजनिक गरेर नागरिकलाई निःशुल्क वितरण गर्ने तयारी गरेको रुसी सञ्चारमाध्यम तासले जनाएको छ ।

खोपको क्लिनिकल परीक्षण गरिएको र त्यसमा खाेपले ट्युमर वृद्धि हुनबाट रोक्न मद्दत गरेको देखाएको जनाइएको छ ।

यही वर्षको शुरूमै रुसी राष्ट्रपति भ्लादिमिर पुटिनले क्यान्सरको खोप निर्माणको नजिक पुगेको बताउनुभएको थियो । यो खोप विगतका खोपभन्दा छिटो एन्टिबडी बनाउन सक्षम रहेको दाबी गरिएको छ ।

रुसले यो खोप आफ्नै 'एमआरएन' प्रविधिमा आधारित पहिलो खोप भएको बताएको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

क्यान्सरविरुद्धको खोप बनाएको रुसको दाबी

तस्बिर : एजेन्सी

तपाईको प्रतिक्रिया