अमेरिकी कम्पनी 'एप्पल' को बजार मूल्य ४० खर्ब डलर पुग्यो, चिप्स कम्पनी 'एनभिडिया' पछि पर्‍याे

पुष ९, २०८१ मंगलबार १५:७:५५ | एजेन्सी

अमेरिकी कम्पनी एप्पलको बजार मूल्य ४० खर्ब डलर पुगेको छ । एप्पलका लागि यो अहिलेसम्मकै उच्च बजार मूल्य हो । लामो समय सुस्ताएको एप्पलको बजार 'भ्यालु' अर्थात् बजार मूल्य अहिले बढेपछि लगानीकर्ता उत्साहित भएका छन् ।

विशेष गरेर आईफोनमा कृत्रिम बाैद्धिकता अर्थात् 'आर्टिफिसिएल इन्टेलिजेन्स' (एआई) राखेपछि र एप्पलकै छुट्टै एआई कम्पनीले पनि राम्रो प्रगति गरेपछि बजार मूल्य आकाशिएको हो ।

अहिले एप्पलको बजार मूल्य चिप निर्माता कम्पनी एनभिडियाको भन्दा पनि माथि पुगेको छ । सूचना प्रविधि कम्पनीहरूमध्ये सबैभन्दा तीव्र गतिमा बजार मूल्य बढेको कम्पनी एनभिडिया हो । दुई वर्षमा यसको शेयर मूल्य आठ सय प्रतिशतले बढेको छ । तर एप्पलको भने जम्मा दोब्बरले बढेको छ । तर पनि एनभिडियाको भन्दा एप्पलको बजार मूल्य धेरै रहेको छ ।

गएको नोभेम्बरयता एप्पलको बजार मूल्य १६ प्रतिशतले बढ्दा बजार मूल्य साढे चार खर्ब डलरले उकालो लागेको छ । पछिल्ला वर्षहरूमा कम्पनीले आफ्नो एआई रणनीति बलियो बनाउँदै लगेको र बजारमा धेरैलाई आकर्षित गरेकाले सुखद परिणाम आएको एप्पलले जनाएको छ ।

एप्पलसँगै माइक्रोसफ्ट, अल्फाबेट, अमेजन र मेटा प्लेटफर्महरूले उदीयमान प्रविधिमा प्रभुत्व जमाउन प्रतिस्पर्धा गरिरहेका छन् ।

अन्तिम अपडेट: पुस १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्