चीनले विश्वको सबैभन्दा लामो द्रुतमार्ग सुरुङ बनायो

पुष १६, २०८१ मंगलबार १८:७:४४ | एजेन्सी

चीनले विश्वको सबैभन्दा लामो 'एक्सप्रेसवे' (द्रुतमार्ग) सुरुङ निर्माण गरेको छ । चीनले शिनजियाङ्गमा चार वर्ष लगाएर विश्वको सबैभन्दा लामो एक्सप्रेसवे सुरुङ निर्माण गरेको हो ।

तियानशान शेङ्गली सुरुङ २२ किलोमिटर १३ मिटर लामो रहेको चिनियाँ समाचार संस्था सिन्ह्वाले जनाएको छ । यो सुरुङ तियानशान पर्वत भएर यात्राको समय कम गर्नका लागि बनाइएको हो । शिनजियाङ्ग चीनको स्वायत्त क्षेत्र हो ।

एक्सप्रेसवे सुरुङ सञ्चालनमा आएपछि उत्तरी र दक्षिणी शिनजियाङ्गको बीचमा सम्पर्क सुधार हुने खबरमा उल्लेख छ । शिनजियाङ्गको दक्षिण–पश्चिम सीमा भारतसँग जोडिएको छ ।

तियानशान सुरुङ निर्माणको काम सन् २०२० को अप्रिलमा शुरू भएको थियो । सुरुङ निर्माणका क्रममा तीन हजार मिटरभन्दा धेरैको उचाइमा रहेको जटिल भौगोलिक अवस्थालगायत धेरै कठिनाइहरूको सामना गर्नुपरेको थियो ।

यो सुरुङ निर्माण गर्न टीबीएम मेशिनको प्रयोग भएको थियो । चीनमा सडक सुरुङ निर्माण गर्न पहिलो पटक टनेल बोरिङ मेशिन (टीबीएम) प्रयोग भएको हो । यो मेशिनको प्रयोगका कारण सुरुङ निर्माणमा लाग्ने समय १० वर्षबाट घटेर चार वर्षमा झरेको थियो । निर्माण कार्यमा तीन हजार जनाभन्दा धेरै श्रमिक खटाइएको थियो ।

एक्सप्रेसवे सुरुङका कारण तियानशान पर्वतको बीचको यात्राको समय तीन घण्टाबाट घटेर २० मिनेटमा झर्ने सिन्ह्वाको खबरमा उल्लेख छ । यो सुरुङ आउँदो वर्ष सञ्चालनमा आउनेछ ।

अन्तिम अपडेट: पुस १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चीनले विश्वको सबैभन्दा लामो द्रुतमार्ग सुरुङ बनायो

तस्वीर : सिन्ह्वा

तपाईको प्रतिक्रिया