खाद्य संस्थानमा धान बिक्रीका लागि किसानको लाम

मंसिर १८, २०७५ मंगलबार १६:३२:५ | गोविन्द शर्मा

बाँके – नेपाल खाद्य संस्थान नेपालगञ्जमा धान बिक्रीका लागि किसानको लाम लागेको छ ।

संस्थानको नेपालगञ्जस्थित कार्यालयमा दर्जनौं लडिया र ट्याक्टरमा धान लिएर किसानहरु बिक्री गर्न पुगेका छन् । एकसाथ धेरै किसानहरु धान बिक्रीका लागि आएका कारण पालो नपाउँदा दोश्रो दिनसम्म कुर्नुपरेको संस्थानले जनाएको छ ।

संस्थानले मंसिर १० गतेदेखि धान खरिद कार्य सुरु गरेको भए पनि एकसातापछि किसानको भीड बढेको संस्थानका प्रमुख हरिप्रसाद जोशीले जानकारी दिनुभयो । संस्थानले मोटा धान प्रति क्विन्टल दुई हजार ३ सय ३१ रुपैयाँ २२ पैसा र मध्यम धान प्रति क्विन्टल दुई हजार ४ सय ६० रुपैयाँ ५७ पैसामा खरिद गरिरहेको छ ।

संस्थानको नेपालगञ्जस्थित कार्यालयले किसानबाट २५ हजार क्विन्टल धान खरिदको कोटा प्राप्त गरेको छ । अहिलेसम्म झण्डै तीन हजार क्विन्टल धान खरिद भइसकेको संस्थानका प्रमुख जोशीले जानकारी दिनुभयो ।

संस्थानले ढिलो गरी धान खरिद थालेका कारण आफूहरुले धेरै धान निजी व्यवसायीलाई बिक्री गरिसकेको किसानहरुले गुनासो गरेका छन् । दसैँ लगत्तै धान खरिद कार्य सुरु भएमा आफूहरुले उचित मूल्य पाउने किसानहरुले बताएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्