हिमपातले सडक र पैदल यात्रामा समस्या

फागुन १८, २०८१ आइतबार ८:५७:२ | उज्यालो सहकर्मी

रुकुमपूर्व – देशका हिमाली र उच्चपहाडी भेगमा हिमपात हुँदा कृषिबालीलाई फाइदा पुगेको छ भने सडक र पैदलमार्गमा समस्या भएको छ ।

मौसम पूर्वानुमान महाशाखाका अनुसार बिहीवारदेखि हिजोसम्म सुदूरपश्चिम, कर्णाली र गण्डकी प्रदेशका हिमाली भेगमा हिमपात भएको छ ।

रुकुमपूर्वमा हिमपातका कारण मध्यपहाडी लोकमार्गमा अलपत्र यात्रुको उद्धार गरिएको छ । अस्ति रातिदेखि परेको हिमपातका कारण अवरुद्ध मध्यपहाडी लोकमार्गको लुकुम–पातिहाल्ना क्षेत्रमा रुकुमपश्चिमबाट काठमाण्डौका लागि छुटेका तीन वटा बससँगै अरु साना गाडीमा रहेका यात्रुको उद्धार गरिएको छ ।

हिमपातका कारण बाटो बन्द भएपछि अस्ति दिउँसोदेखि बस रुकुमपूर्व र बाग्लुङ सिमाना पार गर्न नसक्दा यात्रु अलपत्र अलपत्र थिए ।

हिजो दिनभरी मध्यपहाडी लोकमार्गमा भएको हिउँ पन्छाएर यात्रुको उद्धार गरिएको रुकुमपूर्वका प्रमुख जिल्ला अधिकारी रुद्रप्रसाद न्यौपानेले जानकारी दिनुभयो ।

रुकुमपूर्वको लुकुम–पातिहाल्ना खण्डको लगभग पाँच किलोमिटर र बाग्लुङ खण्डको दुई किलोमिटरमा रहेको हिउँ पन्छाएर यात्रुको उद्धार गरिएको उहाँले बताउनुभयो ।

नेपाल प्रहरी र सशस्त्र प्रहरी बलको सहयोगमा हिउँ पन्छाइएको थियो । रुकुमपूर्व र बाग्लुङ सिमानामा वर्षेनि हिमपातका कारण लोकमार्ग अवरुद्ध हुने गरेको छ ।

यसैबीच सशस्त्र प्रहरी बलले गोरखाको साम्दो इलाकामा पर्ने पदमार्गमा यात्रा गर्दा सावधानी अपनाउन अनुरोध गरेको छ ।

गोरखाको चुमनुब्री–१ साम्दो क्षेत्रमा तीन फिटसम्म हिउँ परेकोले त्यस पदमार्गमा यात्रा गर्ने पर्यटकलाई सावधान रहन भनेको हो ।

हिमपातले बाटोघाटो अवरुद्ध भएपछि बीओपी साम्दोले हिउँ पन्छाउने काम निरन्तर गरिरहेको सशस्त्र प्रहरीका सहप्रवक्ता डिएसपी शैलेन्द्र थापाले जानकारी दिनुभयो ।

यसैगरी उत्तरतर्फका पदमार्गका कतिपय ठाउँमा अहिले सशस्त्र प्रहरी बलका बोर्डर आउट पोस्ट (बीओपी) स्थापना भइसकेका छन् । उहाँका अनुसार अन्य ठाउँमा पनि बीओपी स्थापना गरिने योजना छ ।

हिमाली क्षेत्रमा आवतजावत गर्दा कुनै समस्या भएमा र सूचनाको लागि सशस्त्र प्रहरी बलको हटलाइन नम्बर १११४ मा फोन गर्न समेत अनुरोध गरिएको छ ।

अन्तिम अपडेट: चैत २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हिमपातले सडक र पैदल यात्रामा समस्या

तस्बिर : रासस

तपाईको प्रतिक्रिया