नेपाली सिमेन्ट र प्लाइउड भारत निर्यात गर्ने बाटो खुल्यो

चैत २२, २०८१ शुक्रबार ८:५४:३७ | उज्यालो सहकर्मी

काठमाण्डौ – भारतले नेपाली सिमेन्ट र प्लाइउडको ब्यूरो अफ इन्डियन सर्टिफिकेट ‘बीआईएस’ प्रमाणपत्र नवीकरण गरेको छ ।

भारतले ‘बीआईएस’प्रमाणपत्र नवीकरण नगर्दा नेपालबाट पाँच महिनादेखि भारततर्फको सिमेन्ट निर्यात र एक महिनादेखि प्लाइउड निर्यात रोकिएको थियो । प्रमाणपत्र नवीकरणसँगै सिमेन्ट र प्लाइउडसँगै जस्तापाताको निर्यात गर्ने बाटो खुलेको छ ।

अहिले एक महिना म्याद बाँकी रहेका दुई–तीन वटा सिमेन्ट उद्योगले भारतमा निर्यात गरिरहेका छन् भने नवीकरण नभएका आधा दर्जन सिमेन्ट उद्योगहरू एक महिनाभित्र बीआईएस पाउने सूचीमा रहेको उद्योगीहरूको भनाइ छ ।

भारत सरकारले सिमेन्ट, जस्तापाता, प्लाइउड, सेनेटरी प्याड, फुटवेयरलगायतका सामग्री निर्यातमा ‘बीआइएस’ प्रमाणपत्र अनिवार्य गरेको छ ।

यसैबीच सरकारले नेपालमा उत्पादित सिमेन्ट र फलामे डण्डीको कारखाना गेट मूल्य (फ्याक्ट्री गेट प्राइस) अनिवार्य रुपमा उल्लेख गर्न उद्योगीलाई निर्देशन दिएको छ ।

वाणिज्य, आपूर्ति तथा उपभोक्ता संरक्षण विभागले सिमेन्टको प्याकेट तथा फलामे डण्डीको बण्डलमा उत्पादकले कारखाना गेट मूल्य अनिवार्य रुपमा उल्लेख गर्नुपर्ने निर्देशन दिएको छ ।

यस्तै सिमेन्ट तथा डण्डी बिक्री गर्ने डिलर तथा बिक्रेताले पनि अनिवार्य रुपमा ब्राण्डसहित अधिकतम खुद्रा बिक्री मूल्य सूची उपभोक्ताले बुझ्ने भाषामा उल्लेख गरेर मात्रै बिक्री वितरण गर्नुपर्ने भएको छ ।

अन्तिम अपडेट: चैत २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्