४५ क्वीण्टल प्रतिबन्धित केसरी दालसहित एकजना पक्राउ

मंसिर २२, २०७५ शनिबार २०:१०:३४ | भावुक योगी

बर्दिया – बिक्री वितरण गर्न प्रतिबन्ध लगाइएको मटरा (केसरी) दालसहित बर्दियाको भुरिगाउँबाट एकजना पक्राउ परेका छन् ।

बर्दिया ठाकुरबाबा नगरपालिकाको विभिन्न गाउँका स्थानीय कृषकहरुबाट प्रतिबन्धित मटरा (केसरी) दाल खरिद गरी गाउँबाट ट्याक्टरमा राखेर भुरिगाउँ बजारतर्फ ल्याउँदै गरेको अवस्थामा नेपालगञ्ज घर भई भुरिगाउँमा बस्दै आएका गुलाम नलीलाई इलाका प्रहरी कार्यालय भुरिगाउँले पक्राउ गरेको हो ।

ठाकुरबाबा नगरपालिका ३ नेउलापुर गाउँमा घर भाडमा लिई घरभित्र राखेको मटरा पनि प्रहरीले बरामद गरेको छ । प्रहरीले बरामद गरेको मटरा (केसरी) दाल अनुमानित ४५ कुण्टल रहेको प्रहरीले जनाएको छ ।

बरामद गरिएको मटरा दाल एउटा ट्याक्टर र एउटा अटोमा भरेर मटरा (केसरी) दाल बिक्रि वितरणमा संलग्न नेपालगंज घर भई भुरिगाउँमा बस्दै आएका गुलाम नलीलाई जिल्ला प्रहरी कार्यालय गुलरिया चलान गरिएको प्रहरीले जनाएको छ ।

मटरा अर्थात केसरीको दाल मानव जीवनमा मात्र नभई पशुलाई समेत हानी पुर्याउने भएकाले नेपालमा बिक्रि वितरणमा प्रतिबन्ध लगाईएको छ । मटरा (केसरी) को दाल खाएमा मानव सहित पशुलाई पनि अपांङ्गता बनाउने भएकाले नेपाल सरकारले केसरीको दाल बिक्रि वितरणमा रोक लगाएको हो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्