कलैया उपमहानगरपालिका वडा नम्बर १२ का वडाअध्यक्ष र वडा सदस्यबीच हात हालाहाल

पुष १, २०७५ आइतबार १५:५४:१२ | जयनारायण यादव

बारा – बाराको कलैया उपमहानगरपालिका वडा नम्बर १२ का वडाध्यक्ष र वडा सदस्यबीच आइतबार बिहान हात हालाहाल भएको छ ।

बाटो निर्माणका लागि रकम निकासा गर्ने विषयलाई लिएर वडाध्यक्ष राजेश्वरप्रसाद केशरी र वडासदस्य लक्ष्मी साहबीच बिहान हात हालाहाल भएको स्थानीयवासीले बताएका छन ।

सडकमा मर्मत सम्भारको लागि पचास हजार रकम छुट्टयाइएकोमा वडाध्यक्ष केशरीले वडा कार्य समितिको निर्णय विपरीत झण्डै पाँच लाख रकम निकासा गरेपछि विवाद भई वडासदस्य साह र अध्यक्ष केशरीबीच गाली गलौज र हात हालाहाल भएको स्थानीय प्रत्यक्षदर्शीले बताएका छन ।

वडाध्यक्ष केशरीले बाटो मर्मत गरे वापत चार लाख १९ हजार रकम झिकेको वडासदस्य साहले बताउनुभयो । वडासदस्य साहले आफूले कलैया उपमहानगरपालिकाका इञ्जिनियर राजकुमार साहसँग बाटो मर्मतको लागत इस्टिमेटबारे जानकारी लिने क्रममा वडाध्यक्ष केशरीले अपशब्द प्रयोग गरेपछि विवाद भएको स्वीकार गर्नुभयो ।

उहाँले वडाध्यक्षकै गल्तीका कारण हात हालाहाल र गाली गलोजको अवस्था आएको आरोप लगाउनुभयो । वडा समितिको बोर्ड बैठकले बाटो मर्मत सम्भारका लागि ५० हजार विनियोजन गरेको थियो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयनारायण यादव

जयनारायण यादव बाराका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्