गोरखाको सामागाउँ जंगलमा लागेको डढेलो अझै निभाउन सकिएन

पुष ९, २०७५ सोमबार १८:३५:५२ | किरण लोहनी

गोरखा – गोरखाको चुमनुब्री गाउँपालिका १ सामागाउँको मनास्लु बेस क्याम्प नजिकै भिषण डढेलो लागेको छ ।

दुईदिनदेखि लागेको डढेलो अझैसम्म नियन्त्रणमा आउन नसकेको प्रहरीले जनाएको छ । गाउँले र स्थानीय सुरक्षाकर्मीले आगो निभाउने प्रयास गरे पनि आगो अझै नियन्त्रणमा आउन नसकेको प्रहरी उपरीक्षक भोला रावलले बताउनुभयो ।

डेढ सयभन्दा बढी स्थानीय र प्रहरी हिजैदेखि आगो निभाउन खटिएको उहाँको भनाई छ । नामरुङ र सिर्दिवासबाट थप प्रहरी खटाइएको रावलले जानकारी दिनुभयो ।
‘अहिले केही कम भएको जानकारी आएको छ, तर पुरै नियन्त्रणमा आउन चाहिँ सकेको छैन भन्ने खबर आएको छ’, उहाँले भन्नुभयो । सामागाउँमा आगो आउनसक्ने भन्दै गाउँले त्रसित भएको स्थानीय धार्के पुनेलले बताउनुभयो ।

गोरखा सदरमुकामबाट ५२ कोष टाढा रहेको सामागाउँको एउटै बस्तीमा एकसय ३० घरधुरी छन् । मनास्लु संरक्षण क्षेत्रभित्र पर्ने जंगलमा आगलागी हुँदा धेरै वन्यजन्तु मरेको खबर आएको मनास्लु संरक्षण क्षेत्र आयोजना(एमक्याप)ले जनाएको छ ।

मनास्लु बेस क्याम्प गएर फर्केका पर्यटक पथ प्रदर्शक सुवास पोखरेलले जंगलमा फालेको आगोसहितको चुरोटको ठुटोबाट आगो सल्केको प्रहरी उपरीक्षक रावलको भनाई छ । पथ प्रदर्शक पोखरेललाई प्रहरीले नियन्त्रणमा लिएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गोरखाको सामागाउँ जंगलमा लागेको डढेलो अझै निभाउन सकिएन

फाइल तस्बिर

तपाईको प्रतिक्रिया