मलेसिया पुगेकै दिन त्यहाँका कुरा सुनेर रोएँ

 पुष ११, २०७५ बुधबार १७:५६:४ | मेरो कथा मेरो भोगाई

नविन कुमार सुनुवार, प्रिति/रामेछाप ।

म २०६० सालमा मलेसिया गएको थिएँ । मलेसिया जानुभन्दा अगाडि म काठमाडौंमा बस्थें । त्यतिबेला जोसँग भेट्दा पनि विदेश नै जाने कुरा गर्थे । त्यही वातावरणले विदेश जाँदा राम्रो हुने रहेछ भन्ने लाग्यो ।

आफैं म्यानपावरमा गएर बुझ्दा मेडिकलका सामान बनाउने कम्पनीबाट माग आएको जानकारी पाएँ । काम राम्रो छ भनेपछि ठिकै होला भनेर मलेसिया पुगें । तर पुगेकै दिन राएको थिएँ । त्यो कुरा अहिले पनि याद आउँछ । मैले त विदेश गएपछि राम्रो हुन्छ भन्ने सोचेको थिएँ ।

तर पुगेकै दिन मभन्दा अगाडि गएका साथीहरुले मलेसियाको यथार्थ सुनाउन थाले । मैले काम गर्ने कम्पनीले दिएको सुविधा यहाँ भनेको जस्तो रहेनछ । त्यो कुरा मैले भोग्न त बाँकी नै थियो । तर साथीहरुले सुनाएपछि नभोग्दै पनि मन थामिएन ।

तर त्योसँगै विदेश पुगेपछि जाँदा लागेको पैसा नकमाइ फर्किन नसक्ने अर्को यथार्थ पनि मसँगै थियो । त्यही बाध्यता र यथार्थले म दुई वर्ष बसेर फर्किएँ । काम गर्ने क्रममा कम्पनीले सुरक्षामा ध्यान दिँदो रहेनछ । उसलाई त उत्पादनको मात्रै मतलब हुने रहेछ ।

यदी लक्ष्य राखेको जति उत्पादन भएन भने हप्ता दिनसम्म काम नदिई राखिदिँदो रहेछ । त्यसैले मरिहत्ते गरेर भएपनि लक्ष्य अनुसारको सामान उत्पादन गर्न लाग्नुपर्ने रहेछ । 

त्यही क्रममा केही साथीका औंला मेसिनले छिनायो । एक जना साथीको हात नै मेसिनमा पस्दा उहाँको त्यो हात काम नलाग्ने भयो । यस्ता घटना आँखै अगाडि देखेपनि छोडेर फर्किन नपाइने । त्यतिबेला म त दुई वर्ष पुगेपछि जसरी भएपनि फर्किन्छु भन्ने सोच्थें । त्यो अडानबाट पछि हटिन । 

कम्पनीले त बिदा दिएको थिएन । तर म जबरजस्ती नै फर्किएँ । अहिले गाउँमै खेतीपाती गरिरहेको छु । 
 

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • बाबू दिनेश

    Jan. 3, 2019, 11:36 a.m.

    काँडालाइ पनि फुल हो भनी ठानेर, टेक्नु पर्‍या छ यो बिदेसमा ! पीडा त पहाड झै छदै छ तै पनि, रेट्नु पर्‍या छ घाउ यो बिदेसमा !!

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई