डाक्टर गोविन्द केसी १६ औं सत्याग्रहको लागि इलाममा

 पुष १७, २०७५ मंगलबार १९:३४:५० | सुजता सुनुवार
unn.prixa.net

फाइल तस्बिर

इलाम – प्रा. डा. गोविन्द केसीले आफ्नो १६ औँ अनसन इलामबाट सुरु गर्न मंगलबार इलाम आइपुग्नु भएको छ । आफ्नो माग पूरा गर्न सरकारले चासो नदिएको भन्दै अनसनको बन्दोबस्त मिलाउन डा. केसी इलाम आइपुग्नु भएको हो । इलाममा आए पनि डाक्टर केसीले अनसन कहिलेदेखि बस्ने भन्ने बारेमा भने घोषणा भएको छैन ।

उहाँले गएको साउन १० गते सरकारसँग भएको सम्झौता तत्काल कार्यान्वयन गर्नुपर्ने, संसदबाट चिकित्सा शिक्षा ऐन पारित गर्नुपर्ने, सातै प्रदेशमा सरकारी मेडिकल कलेज खोल्ने काम सुरु गर्नुपर्ने, कर्णाली स्वास्थ्य विज्ञान प्रतिष्ठानमा अविलम्ब एमबीबीएस भर्ना सुरु गर्नुपर्ने, नेपाल सरकारको निर्णयको उल्लंघन गरी काठमाडौं विश्वविद्यालयले तोकेको शुल्क तत्काल फिर्ता लिई दोषी पदाधिकारीमाथि कारबाही गर्नुपर्ने लगायतका माग डा. केसीको रहेका छन् । 

प्रधानमन्त्री केपी शर्मा ओली इलाममा पुस २० गते हुन लागेको लगानी सम्मेलनको उद्घाटन गर्न आउने पूर्व सन्ध्यामा डा. केसीले अनसन बस्ने तयारी गर्नुभएको छ । १६ औं सत्याग्रहको अल्टिमेटम मंगलबार सकिएको भन्दै डाक्टर केसी फेरि सत्याग्रह बस्ने गरी इलाम पुग्नुभएको हाे ।

डाक्टर अभिषेकराज सिंहले ट्वीट गर्दै डाक्टर केसी १६ औं सत्याग्रहको लागि इलाम पुगिसक्नुभयको जनाउनुभएको छ ।

 

उहाँले ट्वीटमा भन्नुभएको छ, ‘१६ औं सत्याग्रहको लागि डा गोबिन्द केसीले दिनुभएको अल्टिमेटमको आज अन्तिम दिन भएकाले डा केसी सत्याग्रहको तयारीको लागि पूर्वी नेपालको इलाम पुगिसक्नुभएको छ र यसपालिको लडाइँ इलामबाट लड्ने हुनुभएको छ । आशा छ, सरकार समयमै गम्भीर बन्ने छ र माग सम्बोधन हुनेछ ।’

याे पनि पढ्नुहाेस: ६ वर्षदेखि डाक्टर केसीको अनसन : सरकारपिच्छे आश्वासन, कार्यान्वयनमा बेवास्ता

केसीको माग र सरकारले विगतमा गरेको सहमति अनुसार चिकित्सा शिक्षा विधेयक अझै संसदमा दर्ता भएको छैन । उहाँले चिकित्सा शिक्षामा सुधारलगायत माग गर्दै १५ औं पटकसम्म अनसन बसिसक्नु भएको छ ।

 

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ । 

तपाईको प्रतिक्रिया

समाचार

लोकप्रिय

१

अलैंचीको मूल्य उच्च विन्दूमा, ४० किलाेकाे एक लाख सात हजार रुपैयाँ

२

११ वटा एयरलाइन्सले हवाई भाडादरको विवरण बुझाए

३

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

४

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई