नेपालगञ्जका मेयर राणाको प्रस्ताव : नेपालगञ्जलाई कर्णाली प्रदेशमा राखौं !

पुष १८, २०७५ बुधबार १९:२३:५४ | गोविन्द शर्मा

बाँके – प्रदेश ५ मा परेको नेपालगञ्जलाई यतिबेला कर्णाली प्रदेशमा गाभ्नुपर्ने आवाज उठिरहेको छ ।

यहाँका उद्योगी व्यवसायीसँगै नेपालगञ्ज उपमहानगरपालिकाका मेयर डा. धवलशम्शेर राणाले पछिल्लो समय सार्वजनिक कार्यक्रमबाट कर्णाली प्रदेशमा गाभिनुपर्ने पक्षमा वकालत गर्ने गरेका छन् ।

यहाँका अधिकांश उद्योगी र व्यवसायीहरु यतिबेला खुलेर कर्णाली प्रदेशमा गाभिनुपर्ने पक्षमा लागिरहेका छन् । पछिल्लो समय नेपालगञ्जका मेयर डा. राणाले नेपालगञ्जलाई कर्णाली प्रदेशमा गाभ्नुपर्ने माग उठाउँदै आउनुभएको छ ।

‘सक्नुहुन्छ, नेपालगञ्जलाई प्रदेशको राजधानी बनाऔं’, मेयर राणाले जिल्लाका सांसदहरुलाई भन्नुभएको छ, ‘होइन भने विकल्पका लागि तयार हौं ।’ नेपालगञ्जको ऐतिहासिक सम्बन्ध साविक मध्य र सुदूरपश्चिमका पहाडी जिल्लासँग रहेको भन्दै मेयर राणाले प्रदेश राजधानी पुग्न संघीय राजधानीभन्दा कठिन हुने गरेको बताउनुभयो ।

नेपालगञ्जमा रहेका सरकारी कार्यालयहरु एकपछि अर्को गर्दै सारिएपछि यतिबेला बाँकेबासी प्रदेश ५ आफूहरुका लागि नोक्सानी भएको बताउन थालेका छन् । आरक्षणको हिसाबले पनि यहाँका मधेसी, मुस्लिम र थारु समुदायले कर्णालीबाट बढी फाइदा लिन सक्ने मेयर राणाको भनाई छ ।

संवैधानिक व्यवस्था अनुसार कर्णाली प्रदेशमा गाभिन कठिनाई भए पनि नेपालगञ्जवासीले पहलकदमी लिनुपर्ने डा. राणाको भनाई छ । आर्थिक नगरी नेपालगञ्जको अधिकांश व्यापार व्यवसाय कर्णाली प्रदेशका जिल्लामा हुने भएका कारण यहाँका अधिकांश व्यापारीले प्रदेश ५ भन्दा कर्णाली प्रदेश उपयुक्त हुने बताउँदै आएका छन्। ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्