दीपक मनाङेले सपथ लिन नपाउने

पुष २२, २०७५ आइतबार १५:१३:४२ | सुमन गुरुङ

कास्की – सर्वोच्च अदालतको आदेशमा थुनामुक्त भएपछि सपथ ग्रहणका लागि निवेदन दिएका मनाङ (ख) बाट विजयी दीपक मनाङेका नामले परिचित राजीव गुरुङले सपथ लिन नपाउने हुनुभएको छ ।

आइतबार बसेको प्रदेशसभा कार्यव्यवस्था परामर्श समितिको बैठकले कानुन अनुसार नै सपथ लिन नपाउने निर्णय गरेको हो । गण्डकी प्रदेशका सभामुख नेत्रनाथ अधिकारीले कानुन अनुसार सपथ गराउन नमिल्ने निष्कर्ष निकाल्नुभएको हो ।

गएको पुष ६ गते थुनामुक्त भएपछि सपथ ग्रहणका लागि प्रदेश सभा कार्यालयमै पुगेर निवेदन दिएपछि चर्चामा रहनुभएको उहाँको विषयमा गण्डकी प्रदेशका सांसद दुई कित्तामा विभाजित छन् ।

गएको बिहीबार गुरुङले निवेदन दिएपछि हिजो यसबारे छलफल गर्न संसदको कार्यव्यवस्था परामर्श समितिको बैठक डाकिए पनि सबै दलको प्रतिनिधित्व नभएको भन्दै बैठकले औपचारिकता पाएको थिएन ।

पुनरावेदन अदालत पाटनले ज्यान मार्ने उद्योग मुद्दामा दोषी ठहर गर्दै मनाङेलाई ५ वर्ष कैद सजाय हुने भनी गरेको फैसलालाई गएको वैशाखमा सर्वोच्चले सदर गरेपछि मनाङबाट निर्वाचित मनाङे जेल गएका थिए ।

मनाङे सपथको माग गर्दै सर्वोच्च जानसक्ने बाटाेभने अझै खुला छ ।

सोमबारदेखि सुरु हुने हिउँदे अधिवेशनमा विभिन्न दलका नेताहरुले यो बिषयमा आफ्नो धारणा राख्ने छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्