आमिर खान बनाउँदैछन् ‘फरेस्ट गम्प’को हिन्दी रिमेक

पुष २५, २०७५ बुधबार १८:१६:५ | एजेन्सी

बलिउडमा ‘मिस्टर पर्फेक्सनिष्ट’को परिचय बनाएका अभिनेता आमिर खान यति बेला नयाँ फिल्मको तयारीमा जुटेका छन् ।

आमिर खान यतिबेला यस फिल्मको लागि आफ्नो फिटनेसमा निकै ध्यान दिइरहेका छन् । यस फिल्ममा आमिरलाई दर्शकले फिट, स्लिम र युवा अवतारमा देख्नेछन् । तसर्थ आमिर खान अहिले उनको स्ट्रिक्ट डाइट फलो गरिरहेका छन् । खबरहरुका अनुसार अभिनेता आमिर खान सन् १९९४ को हलिउड क्लासिक फिल्म ‘फरेस्ट गम्प’ को हिन्दी रिमेक बनाउने तयारी गरिरहेका छन् ।

यस फिल्ममा आमिर खान टम ह्यांक्सले निर्वाह गरेको भूमिकामा देखिनेछन् । जो यस फिल्ममा एक साधारण व्यक्तिको भूमिकामा देखिएका थिए । यो फिल्म राजनिति, इतिहास, खेल, युद्ध, प्रेम, पीडाको समिश्रण रहेको एक उत्कृष्ट कहानीमा आधारित छ । आमिर खानका पूर्व म्यानेजर अद्वैत चन्दनले यस फिल्मको निर्देशन गर्न सक्ने बताइएको छ ।

आमिर खान प्रोडक्शनले गएको वर्ष प्यारामाउण्ट पिक्चर्ससँग यस फिल्मको अधिकार खरिद गरिसकेको थियो । साथै अभिनेता आमिर खान अभिनेता टम ह्यांक्सबाट प्रभावित छन् । साथै आमिरको अभिनय शैली पनि टम ह्यांक्सबाटै सापटी लिएको भन्ने चर्चा पनि बेला बेलामा हुने गर्छ ।

फिल्म ‘फरेस्ट गम्प’ का मुख्य पात्र फोरेस्टको दिमागले कम काम गर्छ । यति हुँदाहँुदै पनि उसले जीवनमा सफलता प्राप्त गर्दै एक ऐतिहासिक पुरुष बन्न सफल हुन्छ । तर उसको साँचो प्रेमले उसलाई छोडेर जान्छ ।

त्यस समयमा यस फिल्मले ओस्कर अवार्डका १२ वटा नोमिनेसनमा पर्न सफल भएको थियो भने ६ वटा विभिन्न विधामा ओस्कर अवार्ड जितेको थियो । यो फिल्म लेखक विन्स्टन ग्रूमको सन् १९८६मा प्रकाशित उपन्यासमा आधारित थियो । अभिनेता टम ह्यांक्सले यसै फिल्मबाट उत्कृष्ट अभिनेताको ओस्कार अवार्ड जितेका थिए ।
अभिनेता आमिर खानले यस अघि पनि उनी अभिनित फिल्महरुका लागि उनको भूमिका अनुसार आफ्नो शरीरलाई वर्कआउट गरेर चरित्र अनुसार ढालेका थिए । फिल्म ‘गजनी’ मा ८ प्याक एब्स बनाएका थिए ।

यस्तै उनको फिल्म ‘दंगल’का लागि उनले ९८ किलो तौल बनाएका थिए भने त्यसको ६ महिना भित्र युवा अवस्थाको भूमिकाका लागि तौल घटाएर फिट भएका थिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Pratik Neupane
Jan. 9, 2019, 9:15 p.m.
Just don't make it. It will spoil the original one because masterpiece can't be remade.
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आमिर खान बनाउँदैछन् ‘फरेस्ट गम्प’को हिन्दी रिमेक

1 Comments

Pratik Neupane

तपाईको प्रतिक्रिया

तपाईको प्रतिक्रिया