डोटीमा वन्यजन्तु चोरीशिकारी बढ्यो

असार ५, २०७५ मंगलबार १०:५८:१४ | विमल बिष्ट

डोटी - डोटीका ग्रामीण भेगवाट वन्यजन्तुको चोरीशिकारी गर्ने क्रम बढेको छ । तर चोरी शिकारी नियन्त्रण गर्न प्रभावकारी काम हुन सकेको छैन ।

जिल्लाका विभिन्न सामुदायिक र सरकारी वनमा रतुवा मृग, बँदेल, घोरल, कालिज लगायतका वन्यजन्तुको चोरी शिकारी हुने गरेपनि नियन्त्रणका लागि प्रभावकारी काम नभएको स्थानीयवासीन्दाको भनाई छ । ग्रामीण भेगबाट तस्करले जंगली जनावरको मासुको सुकुटी बनाई छिमेकी तराईका जिल्ला र काठमाडौसम्म पुर्‍याउने गरेका छन् ।

सँगसँगै जंगलबाट बहुमूल्य जडिबुटी समेत ओसारपसार हुने गरेको उनीहरुको भनाई छ ।

वन्यजन्तुको चोरीशिकारी र ओसारपसार बढेको गुनासो आएपछि महाभारत श्रृखला अन्तरगतको तेलेलेक बनमा जिल्ला बन कार्यालय, शिखर नगरपालिकाका प्रतिनिधिऽ राजनितिक दलका नेता र पत्रकारले अनुगमन गरेका थिए ।

अनुगमनमा तस्करले वन्यजन्तु मार्ने तरिका, मारेका बन्यजन्तुका हड्डी, छाला, चोरी शिकारीमा संलग्नको बासस्थान र प्रयोग गर्ने नाका तथा उनीहरुले प्रयोग गरेका सामाग्री फेला परेका डोटीका जिल्ला वन अधिकृत बद्रिकुमार कार्कीले जानकारी दिनुभयो ।

चोरी शिकारी नियन्त्रण गर्न स्थानीय तह र स्थानीय बासिन्दासँग मिलेर चोरी शिकारी विरुद्धको अभियान संचालन गर्ने तयारी भइरहेको उहाँले बताउनुभयो ।

तस्करीका कारण वन्यजन्तु लोप हुने अवस्थामा पुगेको ठहर गर्दै शिखर नगरपालिका र स्थानीय बासिन्दाको सहयोगमा यसबिरुद्ध अभियान चलाउने निष्कर्ष निकालिएको हो ।

तस्करहरु हप्तौंसम्म हातहतियारसहित जंगलमै बस्ने र शिकार गर्ने गरेको पाइएको छ ।

जिल्लाको खप्तड राष्ट्रिय निकुञ्ज संग जोडिएका वनहरु र महाभारत श्रृखला अन्तरगत रहेको तेलेलेक बनवाट बढी चोरी शिकारी हुने गरेको छेउछाउका बासिन्दा बताउँछन् ।

होटल व्यवसायीहरु जंगलवाट दैनिकजसो रतुवा मृग र बँदेलको सुकुटी बजारसम्म आउने र काठमाडौं पनि पुग्ने गरेको बताउँछन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्