अनमोलले अस्वीकार गरेको चलचित्रमा प्रदिपलाई अफर

माघ १०, २०७५ बिहीबार १८:१५:१ | उज्यालो सहकर्मी

काठमाण्डाै – अभिनेता अनमोल केसीले नखेल्ने भनेको चलचित्र ‘ब्याचलर बन्टी’का निम्ति अर्का अभिनेता प्रदिप खड्कालाई अफर गरेको खबर बाहिरिएको छ ।
केही समयअघि मात्र अनमोलले चलचित्रको कथा मन नपरेको भन्दै त्यो चलचित्र नखेल्ने भनेका थिए ।

निर्देशक मिलन चाम्सले अभिनेता अनमोललाई उनले मागे अनुसारको रकम दिएर चलचित्र ‘ब्याचलर बन्टी’मा साइन गराएका थिए । तर कथा पढेपछि भने अनमोलले चलचित्रमा काम नगर्ने बताएका थिए । अहिले आएर चलचित्रका निर्माता सुदीप खड्काले अभिनेता प्रदिप खड्कालाई चलचित्रका निम्ति अफर गरेका छन् ।

निर्माता खड्का र अभिनेता खड्काबीच चलचित्रको विषयमा रहेर कुरा पनि भइसकेको बताइएको छ । तर अभिनेता प्रदिपले चलचित्रमा काम गर्ने नगर्नेे बारे कनै जवाफ दिएका छैनन् । प्रदिपको यस अघि नै ३ चलचित्रमा काम गर्ने पक्का भइसकेकोले यो चलचित्रमा काम गर्ने सम्भावना कम देखिन्छ ।

यदि प्रदिपले चलचित्रमा काम गर्ने पक्का भए चलचित्रको नाम समेत परिवर्तन गर्ने निर्माण पक्षको योजना छ । ‘ब्याचलर बन्टी’ बाट चलचित्रको नाम ‘सोलिडोली’ राख्ने सोच निर्माण पक्षले गरेको छ ।

सुरुमा यो चलचित्रको नाम ‘सोलिडोली’ नै थियो र चलचित्रमा प्रदिपलाई नै अभिनय गराउने समेत तय भइसकेको थियो तर अभिनेता प्रदिप खड्का र निर्देशक मिलन चाम्सबीचको सम्बन्धमा केही खट्पट भएपछि त्यसको नाम ‘ब्याचलर बन्टी’ राखेर अनमोललाई अफर गरिएको थियो ।

अन्ततः अनमोलले उक्त चलचित्र नगर्ने बताएपछि निर्माण पक्ष पुनः प्रदिप खड्कातिर नै फर्किएको हो । निर्माता सुदीप खड्का प्रदीपलाई चलचित्रका निम्ति मनाउने प्रयासमा छन् । तर प्रदिपले चलचित्रमा काम गर्ने नगर्नेबारे भने सार्वजनिक गरेका छैनन् ।

– उज्यालो र गफगाफ डटकमकाे सहकार्य

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्