बी डिभिजन लिगमा सातदाेबाटाे र मध्यपुर विजयी

माघ २८, २०७५ सोमबार १९:२१:३३ | उज्यालो सहकर्मी

काठमाण्डाै – शहीद स्मारक बी डिभिजन लिगमा सातदोबाटो युथ क्लब र मध्यपुर युथ एशोसिएशन विजयी भएका छन् ।

ललितपुरको एन्फा मैदानमा आज भएको खेलमा सातदोबाटोले श्रीकुमारी क्लबलाई २–१ गाेल अन्तरले पराजित गरेको हो । सातदोबाटोले २१ औं मिनेटमा दीपेश गुरुङको सानदार गोल मार्फत शुरुआती अग्रता लिएको थियो ।

गुरुङले ३० यार्ड टाढाबाट गोल गरेका थिए । पहिलो हाफमा १ गोल गरेको सातदोवाटोले ५३ औं मिनेटमा अग्रता दोब्बर बनाएको थियो । उसका लागि रञ्जन पुनले गाल गरेका थिए । श्रीकुमारीका लागि सुविज्ञ रेग्मीले दोस्रो हाफको अतिरिक्त समयमा सान्त्वना गोल गरेका थिए ।

यस्तै आजै भएको दोस्रो खेलमा मध्यपुर युथ एशोसिएशनले खुमलटारमाथि ३–२ गोलको रोमाञ्चक जित निकालेको छ । खुमलटारका लागि अभय राणाले २ गोल गरे पनि त्यो हार टार्न पर्याप्त भएन । मध्यपुरका लागि सुवर्न विक्रम कार्की, कैलान लामिछाने र विवेश गुरुङले एक/एक गोल गरेका थिए ।

८ औं मिनेटमा सुवर्न बिक्रम कार्कीले गोल गर्दै शुरुआती अग्रता दिलाएका थिए । ४० औं मिनेटमा खुमलटारका लागि अभय राणाले बरारबरी गोल गरे । पहिलो हाफको अतिरिक्त समयमा कैलाश लामिछानेले गोल गर्दै मध्यपुरलाई पहिलो हाफमा २–१ को अवस्थामा पुर्याए ।

६६ औं मिनेटमा विवेश गुरुङले गोल थपेपछि मध्यपुरले ३–१ को अग्रता कायम गर्न सफल भएको थियो । ७० औं मिनेटमा खुमलटारका लागि अभय राणाले व्यक्तिगत तथा टिमका लागि दोस्रो गोल गरेका थिए ।

दोस्रो हाफको अतिरिक्त समयमा खुमलटारले पेनाल्टी पाए पनि राजेन्द्र देउलाले गोल गर्न चुक्दा मध्यपुर ३–२ गोल अन्तरले विजयी हुन सफल भयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्