आर्सनलका मिडफिल्डर राम्से इटालियन क्लब युभेन्टसमा अनुबन्ध

माघ २९, २०७५ मंगलबार ६:४३:३७ | उज्यालो सहकर्मी

आर्सनलका मिडफिल्डर आरोन राम्सेले महंगो रकममा इटालियन क्लब युभेन्ससँग सम्झौता गरेका छन् । यो समर ट्रान्सफर विन्डोमा क्रिस्टियानो रोनाल्डोले खेलिरहेको क्लब युभेन्टसमा राम्सेले साताको चार लाख पाउण्ड पाउने गरी सम्झौता गरेका हुन् ।

२८ वर्षीय राम्सेले चार वर्षका लागि अनुबन्ध गरेका छन् । ११ वर्ष आर्सनलमा बिताएका राम्सेले युभेन्टसमा अनुबन्ध हुनका लागि दुई चरणको मेडिकल प्रशिक्षण पनि पार गरिसकेका छन् । राम्से युभेन्टसमा अनुबन्ध हुने पक्का भएसँगै सबै भन्दा धेरै पारिश्रमिक पाउने बेलायती खेलाडी बनेका छन् ।

वेल्सका अन्तर्राष्ट्रिय खेलाडी राम्सेलाई समग्रमा कतिमा अनुबन्ध गरेको भनेर प्रष्ट खुलाइएको छैन । सन् २००८ मा कार्डिफ सिटीबाट चार दशमलव आठ मिलियन पाउण्डमा अनुबन्ध भएका राम्से यसपटक सुरुवातमा बार्सिलोना जाने चर्चा पनि चलेको थियो भने फ्रेन्च क्लब पेरीस सेन्ट जर्मेनबाट पनि अफर आएका थियो ।

यस्तै बार्यन म्युनिख, इन्टर मिलान, रियल मड्रिडले पनि अनुबन्धकालागि इच्छा ब्यक्त गरेका थिए । स्पेनिस क्लबमा राम्सेलाई ल्याउन ग्यारेथ बेलले पनि पहल गरेका थिए । यो सेप्टेम्बर महिनामा आर्सनलले उनलाई नयाँ सम्झौताका लागि अफर गरे पनि उनले अस्वीकार गरेका थिए ।

राम्सेले आर्सनलबाट दुई सय ५९ खेलमा ६१ गोल गरेका छन् । ११ सिजन प्रिमियर लिगमा खेल्दा तीन सिजन डबल फिगरमा गोल गरेका थिए । जसमा सबै भन्दा धेरै १६ गोल २०१३ र १४ को सिजनमा गरेका थिए ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्