धनगढी प्रिमियर लिग : काठमाण्डाैले महेन्द्रनगरलाई दियो १३५ रनको लक्ष्य

फागुन १, २०७५ बुधबार १०:४८:४३ | उज्यालो सहकर्मी

धनगढी प्रिमियर लिग अन्तर्गत काठमाण्डाै गोल्डेन्सले महेन्द्रनगर युनाइटेडलाई एक सय ३५ रनको लक्ष्य दिएको छ । फाप्ला मैदानमा टस हारेर ब्याटिङको निम्तो पाएको काठमाण्डाैले २० ओभरमा ५ विकेट गुमाउँदै एक सय ३४ रन बनाए ।

आज पनि कमजोर सुरुवात गरेको काठमाण्डाैले आठ रन बनाउँदा दुई विकेट गुमाएको थियो । उसका दुवै ओपन गौरव तमोर एक र अनिलकुमार शाह ६ रनमा आउट भए । त्यसपछि कप्तान ज्ञानेन्द्र मल्ल १४ रनमा पेभेलियन फर्किएपछि काठमाण्डाैले ३७ रनमा तेस्रो विकेट गुमायो । काठमाण्डाैको विकेट झर्ने क्रम यतिमा रोकिएन । उसले ५८ रन बनाउँदा अरु दुई विकेट गुमाउन पुग्यो ।

महबुब आलम १३ रनमा पेभेलियन फर्किए भने सोनु तामाङ मात्र एक रनमा बाहिरिए । अन्तिममा अंकित दवास र योगेन्द्रसिंह कार्कीले अर्धशतकीय साझेदारी गर्दै टिमलाई बलियो स्थितिमा पुर्‍याए । अंकितले अविजित ६६ रन बनाए भने योगेन्द्रसिंह कार्कीले अविजित २२ रनको योगदान गरे । बलिङमा अमरसिंह रौटेलाले दुई विकेट लिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्