मिटूको आरोप लागेर घर बसेका नाना पाटेकर यस फिल्मबाट गर्दैछन् ‘कमब्याक’

फागुन १, २०७५ बुधबार १२:११:२ | एजेन्सी

भारतमा मिटू अभियानको सुरुवात अभिनेत्री तनुश्री दत्ताले गरेकी थिइन् । तनुश्रीले फिल्म ‘हर्न ओके प्लीज’ को सेटमा अभिनेता नाना पाटेकरले उनीमाथि दूर्व्यवहार गरेको आरोप लगाएकी थिइन् । तनुश्रीले यस विषयमा १० वर्ष अघि नै आवाज उठाएकी थिइन् तर बलिउडमा उनको आरोपलाई कसैले चासो दिएनन् । तर १० वर्ष पछि तनुश्रीले त्यस घटनालाई मिटू अभियानसँग जोडेर सार्वजनिक गरेपछि भने अधिकांशले उनको साथ दिए ।

तनुश्रीको आरोप पछि बलिउड फिल्म ‘हाउसफूल ४’ बाट नाना पाटेकरलाई निकालियो । यसका साथै नाना पाटेकरले काम गर्ने भनिएका अन्य धेरै प्रोजेक्टबाट पनि बाहिरिए । तर अहिले बलिउडमा मिटू अभियान सेलाउँदै गइरहेको छ । तसर्थ बलिउड फिल्म निर्माता फिरोज नाडियाडवाला उनको सुपरहिट फ्रेन्चाइज ‘वेलकम ३’ मा अभिनेता नाना पाटेकरलाई कास्ट गरेका छन् ।

यस फिल्मको निर्देशन अहमद खानले गर्ने बताइएको छ । फिल्म ‘वेलकम ३’ मा नाना पाटेकरलाई कास्ट गरिएको खबर अहिले बलिउडमा चर्चाको विषय बनेको छ । तर फिल्म निर्माण पक्षले भने अहिले नै नाना पाटेकरको कास्टिङको कुरालाई स्वीकार गर्न खोजेको छैन । निर्माण यूनिट अहिले नै यस विषयमा केही बोलेर कुनै पनि किसिमको विवादमा फस्न नचाएको बताइएको छ ।

फिल्म ‘वेलकम ३’ मा नाना पाटेकर बाहेक अभिनेता जोन अब्राहम, अनिल कपूर र परेश रावल पनि फाइनल भइसकेको बताइएको छ । यस अघिका फिल्म ‘वेलकम’ र ‘वेलकम ब्याक’ मा अभिनेता नाना पाटेकरको महत्वपूर्ण भूमिका रहेको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्