पोखरा म्याराथनको उपाधि आर्मीका रिमाललाई

फागुन ७, २०७५ मंगलबार १२:२६:० | सुमन गुरुङ

कास्की – नेपाली सेनाका धावक हरिकुमार रिमालले पोखरा म्याराथनको १३औँ सस्करणको उपाधि जित्नुभएको हो ।

उहाँले निर्धारित ४३.१२३ किलोमिटरको दूरी दुई घण्टा ४० मिनेट १० सेकेण्डको समयमा पूरा गर्दै नगद एक लाख आफ्नो नाममा लेखाउनुभएको हो ।

मंगलबार पोखरा रंगशालाबाट सुरु भएको दौड बजार परिक्रमा गर्दै रंगशालामा आएर टुंगिएको थियो । रिमालले उनी गएको वर्ष अन्नपूर्ण म्याराथनका विजेतासमेत हन् ।

म्याराथनमा १० सेकेण्डले पछि पर्दै सशस्त्र प्रहरी बलका खिमबहादुर खत्री दोस्रो स्थानमा चित्त बुझाउनुभयो । उहाँले उपविजेता बन्दै नगद ७० हजार रुपैयाँ प्राप्त गर्नुभयो । नेपाल प्रहरीका भूमिराज राई तेस्रो हुनुभएको छ । उहाँले दुई घण्टा ४१ मिनेट १७ सेकेण्डको समय लगाउँदै तेस्रो पुरस्कार ५० हजार रुपैयाँ प्राप्त गर्नुभयो ।

२ घण्टा ४२ मिनेट ५५ सेकेण्डको समय लगाउँदै आर्मीका धावक पूर्ण तामाङले भने सान्त्वना पुरस्कारस्वरुप ७ हजार प्राप्त गर्नुभयो । विजेता धावकहरुलाई गण्डकी प्रदेशकी सामाजिक विकास मन्त्री नरदेवी पुन, मुख्य प्रायोजक सुजल डेरीका अध्यक्ष गणेशबहादुर श्रेष्ठ, गण्डकी प्रदेश सदस्य कृष्ण थापा, नेपाल भूतपूर्व खेलाडी मञ्चका अध्यक्ष तेजबहादुर गुरुङलगायतले पदक तथा प्रमाणपत्र प्रदान गरेका थिए ।

मञ्चको आयोजना तथा सफल दूधको मुख्य प्रायोजनमा आयोजित दौडमा विभिन्न जिल्लाका धावकहरुले प्रतिस्पर्धा गरेका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्