यातायात क्षेत्रकाे चक्रीय प्रणाली खारेज गर्ने कानुन बनाउन राष्ट्रिय सभाका सांसदहरुकाे माग

फागुन १५, २०७५ बुधबार १४:३०:८ | उज्यालो सहकर्मी

काठमाण्डाै - राष्ट्रिय सभाका सांसदहरुले यातायात क्षेत्रमा लगाइएको चक्रीय प्रणाली खारेज गर्ने नीति कार्यान्वयनका लागि आवश्यक कानुन तत्काल बनाउन सरकारसँग माग गरेका छन् ।

राष्ट्रिय सभाका सांसद रामनारायण बिडारीले यातायात क्षेत्रमा लगाइएको चक्रीय प्रणाली खारेज गर्ने नीति कार्यान्वयनका लागि आवश्यक कानुन बनाउन सरकारसँग माग गर्नु भएको हो । राष्ट्रिय सभाको बुधबारको बैठकमा शून्य समयमा बोल्दै उहाँले औद्योगिक क्षेत्रहरुमा स्थापना गरिएका उद्योगहरुको जग्गाको भोगचलनसम्बन्धी विवाद तत्काल समाधान गर्न पनि सरकारको गम्भीर ध्यानाकर्षण गराउनु भयो ।

बालाजु औद्योगिक क्षेत्र, पाटन औद्योगिक क्षेत्र, पोखरा औद्योगिक क्षेत्र, हेटाै‌डा औद्योगिक क्षेत्रमा स्थापना गरिएको उद्योगको स्वामीत्वको विषयलाई लिएर विवाद चर्किँदै गएकोमा सो समस्या तत्काल समाधान गर्नुपर्ने सांसद बिडारीको सरकारसँग माग छ ।

सांसद रामलखन चमारले नवलपरासीमा रहेकोे महेशपुर भन्सार घाटामा गएको उल्लेख गर्दै त्यसबारे संघीय संसदलाई जानकारी गराउन पनि सरकारसँग माग गर्नुभयो ।

त्यसैगरी सांसद शान्तिकुमारी अधिकारी (जिसी)ले मुलुकमा विद्यमान महिला हत्या, हिंसालगायतका घटना तत्काल नियन्त्रण गर्न प्रभावकारी कदम चाल्न सरकारलाई सचेत गराउनुभयो ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्