कल्पनासम्म गरेकाे थिइनँ, मित्र रवीन्द्रले यसरी अकस्मात बिदाइ लिनेछन् भनेर : कांग्रेस प्रवक्ता शर्मा

फागुन १५, २०७५ बुधबार १७:३३:३३ | उज्यालो सहकर्मी

काठमाण्डौ – नेपाली कांग्रेसका प्रवक्ता विश्वप्रकाश शर्माले नेपाली राजनीतिक परिर्वतनमा पर्यटन मन्त्री रवीन्द्र अधिकारीको सक्रिय भूमिका रहेको बताउनु भएको छ ।

ताप्लेजुङमा भएको हेलिकप्टर दुर्घटनामा परि ज्यान गुमाएका रवीन्द्र अधिकारीको सम्झनामा बुधबार एक शोक विज्ञप्ति सार्वजनिक गर्दै प्रवक्ता शर्माले वैचारिक दृष्टिकोणले अलग भए पनि लोकतन्त्रको सवालमा सम्पूर्ण एकता निर्माणमा अधिकारीको भूमिका सक्रिय रहेको बताउनुभएको छ ।

कांग्रेस प्रवक्ता शर्मा लेख्नुहुन्छ,

रवीन्द्र अधिकारी कुनैबेला अनेरास्ववियूको अध्यक्ष छँदा म नेपाल विद्यार्थी संघको सभापति थिएँ । दरबार हत्याकाण्डलगत्तै नेपालको विद्यार्थी आन्दोलनलाई सानातिना विमतिबाट माथि उठाएर 'लोकतन्त्रका सवालमा सम्पूर्ण एकता' को निर्माणमा अर्को अनेरास्वविय"का अध्यक्ष मित्र राजेन्द्र राई र मसँगै रवीन्द्रजीको सक्रिय भूमिका स्मरण गरिरहेको छु ।

राजनैतिक रूपमा मेरा आदरणीय साथी रवीन्द्र व्यक्तिगत रूपमा एकै परिवारका सदस्यझैँ थिए । कल्पनासम्म गरेको थिइनँ, यी मिलनसार मित्र रवीन्द्रले यसरी अकस्मात बिदाइ लिनेछन् भनेर । उहाँको निधनले मर्माहत छु, अत्यन्तै दु:ख लागेको छ ।

ताप्लेजुङमा भएको हेलिकप्टर दुर्घटनामा मित्र रवीन्द्रसँगै जीवन गुमाएका सबैको आत्मा शान्तिको कामना गर्दै परिवारजनमा समवेदना प्रकट गर्दछु ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्