आहा रारा गोल्डकप : आर्मी भर्सेस थ्रीस्टार, कसले उचाल्ला ट्रफी ?

फागुन १८, २०७५ शनिबार ७:६:१६ | सुमन गुरुङ

कास्की – पोखरामा चलिरहेको १७ औं आहा रारा गोल्डकप फुटबल प्रतियोगितको फाइनलमा शनिवार त्रिभुवन आर्मी क्लब र रुस्लान थ्रीस्टार क्लबबीच प्रतिस्पर्धा हुँदैछ ।

आर्मीले क्यामरुनको दाउफिन्सलाई १–० र थ्रीस्टारले एपीएफलाई टाइब्रेकरमा ४–२ गोल अन्तरले पराजित गर्दै फाइनलको यात्रा तय गरेको हो ।

ए डिभिजन लिगपछि मोफसलका प्रतियोगिताहरुमा निकै राम्रो खेल खेलिरहेको दुवै टिमले उपाधि रक्षा गर्नु आफूहरुको लक्ष्य रहेको शुक्रबार आयोजना गरिएको पत्रकार सम्मेलनमा दाबी गरेको छ । आर्मीका प्रशिक्षक नविन न्यौपानेले भने, ‘अहिलेसम्म आहा राराको इतिहासमा आर्मीले उपाधि जित्न सकेको छैन, यो वर्ष जित्ने लक्ष्यमा छौँ ।’ थ्रीस्टार राम्रो टिम भएको हुँदा अवसरहरु कमै प्राप्त हुने र पाएको अवसरलाई सदुपयोग गर्दै अगाडी बढ्ने उनको भनाइ छ ।

थ्रीस्टारका प्रशिक्षक मेघराज केसीले आर्मीसँगको खेल प्रतिस्प्रधात्मक हुने बताउँछन् । आफ्नो लक्ष्य उपाधि रक्षा गर्ने बताउँदै शनिबारको खेल पोखरेली दर्शकले हेर्न लायक हुने उनले बताए । आर्मी राम्रो टिम भएकोले त्यहीअनुसारको रणनीतिका साथ अगाडि बढेर उपाधि जित्ने उनको दाबी छ ।

फाइनल खेल शनिबार दिउँसो २ बजे पोखरा रंगशालामा हुनेछ ।

हिमश्री फुड्स प्रालिको उत्पादन आहा तथा रारा तयारी चाउचाउको मुख्य प्रायोजनमा भएको प्रतियोगिताको विजेताले ८ लाख १ हजार र उपविजेताले ४ लाख १ हजार रुपैयाँ नगद पुरस्कार प्राप्त गर्नेछन् । सर्वोत्कृष्ट खेलाडीलाई स्कूटर, वेस्ट अफ् फाइभ विधातर्फ जनही १५ हजार र ट्रफी दिइनेछ ।

यस्तै सर्वाधिक गोलकर्तालाई २५ हजार रुपैयाँका साथै ट्रफी दिइनेछ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्