विकास निर्माणमा एकरुपता ल्याउन वडाध्यक्षहरुको भेला

फागुन २१, २०७५ मंगलबार ९:५:१४ | उज्यालो सहकर्मी

सल्यान – विकास निर्माणमा एकरुपता ल्याउनका लागि सल्यानमा वडा अध्यक्षहरुको भेला हुने भएको छ । स्थानीय तहमा काममा एकरुपता आउन नसकेको, विकासले दीगो रुप लिन नसकेको आरोप लागिरहेको बेला सल्यानका वडा अध्यक्षहरु एक ठाउँमा हुन लागेका हुन् ।

१० स्थानीय तह रहेको सल्यान जिल्लाका ८३ वडाहरु मध्ये नेकपाको तर्फबाट प्रतिनिधित्व गर्ने ५९ जना वडा अध्यक्षहरुको भेला हुन लागेको हो । स्थानीय तहहरुको समन्वयमा वडा अध्यक्षहरुको भेला हुन लागेको दार्मा गाउँपालिकाका अध्यक्ष निमबहादुर केसीले बताउनुभयो । भेलामा वडा अध्यक्षहरुका साथै नेकपाको तर्फबाट नेतृत्व गरेका ७ स्थानीय तहका प्रमुख र उपप्रमुख, प्रदेश सांसद तथा मन्त्री र संघीय सांसदको प्रतिनिधित्व हुनेछ । भेला चैत २ गते सल्यानको कुपिण्डे तालमा हुनेछ ।

सरकारले तोकेको उत्कृष्ठ सय गन्तव्यमा सूचीकृत कुपिण्डे तालमा हुने भेलाले पर्यटन प्रवर्द्धनमासमेत सहयोग पुग्ने छ । भेलामार्फत स्थानीय तहले बनाएका कानुन, विकास निर्माण, निर्णय प्रकृया, राम्रा अभ्यास आदि बारेमा छलफल हुनेछ ।

भेलाबाट नेकपाले स्थानीय सरकारमार्फत जिल्ला तहमा गरेका राम्रा कामहरु सबै स्थानीय तहमा सञ्चालन गर्नको लागि योजनासमेत बनाउने केसीले बताउनुभयो । भेलामा २ जना कानुनका जानकार र विज्ञमार्फत स्थानीय तहमा कार्यसञ्चालनमा आएका कठिनाइबारे समेत छलफल हुनेछ ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्