प्रधानमन्त्री ओली नियमित स्वास्थ्य जाँचका लागि अस्पताल भर्ना

फागुन २२, २०७५ बुधबार १४:९:१९ | उज्यालो सहकर्मी

काठमाण्डौ – प्रधानमन्त्री केपी शर्मा ओली नियमित जाँचका लागि त्रिवि शिक्षण अस्पतालमा भर्ना हुनुभएको छ ।

प्रधानमन्त्री ओली बिहान १० बजे अस्पताल भर्ना हुनुभएको प्रधानमन्त्रीका प्रेस संयोजक चेतन अधिकारीले जानकारी दिनुभयो । नियमित जाँचका लागि पुगेका प्रधानमन्त्री ओलीको थप परिक्षण गर्नुपर्ने देखिएकाले अहिले निगरानीमा राखिएको त्रिवि शिक्षण अस्पतालको मनमोहन कार्डियोथोरासिक भास्कुलर तथा ट्रान्स्प्लाण्ट सेण्टरले जनाएको छ ।

प्रधानमन्त्री ओलीको परीक्षण प्राध्यापक अरुण सायमीको नेतृत्वमा भइरहेको र उहाँको स्वास्थ्य अवस्था अहिले सामान्य रहेको सेण्टरका कार्यकारी निर्देशक प्राध्यापक डाक्टर उत्तमकृष्ण श्रेष्ठले निकालेको विज्ञप्तिमा उल्लेख छ ।

प्रधानमन्त्री ओली स्वास्थ्य जाँचका लागि बैंकक जानुपर्ने भए पनि समय नमिल्दा त्रिवि शिक्षण अस्पतालमा नै स्वास्थ्य जाँच गर्न पुग्नुभएको अधिकारीले जानकारी दिनुभयो ।

१२ वर्ष अघि मिर्गौला प्रत्यारोपण गर्नुभएका ओलीलाई समय–समयमा नियमित रुपमा चेक गराइरहनुपर्छ । अस्पतालको कार्डियोलोजी विभागमा भर्ना हुनुभएका प्रधानमन्त्री ओलीको रगत परीक्षणका साथै एक्सरे तथा फुल बडी चेकअप गरिने छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्री ओली नियमित स्वास्थ्य जाँचका लागि अस्पताल भर्ना

फाइल फाेटाे

तपाईको प्रतिक्रिया