पोखराको विजयपुर खोलाको पुल जोखिममा, मर्मत नगरे भाँचिन सक्ने

फागुन २६, २०७५ आइतबार १९:१२:१८ | सुमन गुरुङ

कास्की – पोखराको मुख्य प्रवेशद्धारका रुपमा रहेको विजयपुर खोलाको पुल जोखिमयुक्त बनेको छ ।

पुलको बेलैमा मर्मत सम्भार गरी समस्या समाधान नगर्ने हो भने पुल भाँचिने सडक डिभिजन कार्यालय पोखराका प्रमुख हरिकुमार पोखरेलले बताउनुभयो ।
स्टील ब्रिज प्रक्रिया अनुसार निर्माण भएको पुलको स्टिल नै ठाउँ ठाउँमा चर्किने र भाँचिने भएपछि पुल खतरामा परेको हो ।

उहाँले पुलका पुर्जाहरु चर्किएको र भाँचिन लागेको बताउनुभयो । गएको शुक्रबार पुलका पुर्जा चर्किएको देखेपछि सोमबारबाट पुलको मर्मत सम्भार गर्न थालिएको उहाँको भनाइ छ ।

सवारी आवत जावतलाई नरोक्ने हो भने पुल भाँचिन सक्ने उहाँले बताउनुभयो । पोखरा २६ र पोखरा १४ जोड्ने पुलबाट दैनिक पोखरामा ६ हजारभन्दा बढि सवारी आवत जावत गर्ने गर्दछन् ।

पुल मर्मतको लागि विजयपुर खोलामा कल्भर्ट बनाइएको छ । पुलमाथि शून्य भार बनाएर काम गर्दा करिब १ महिना समय लाग्ने उहाँको भनाइ छ ।

नेपालमा पछिल्लो समयमा स्टील ब्रिज नै निर्माण हुँदै आएका छन् । २०५९ लाखमा निर्माण सुरु गरेर २०६४ सालमा पुल सञ्चालनमा आएको थियो । पुलको लम्बाइ ७४ दशमलव २ मिटर रहेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्