आर्थिक कार्यविधि तथा वित्तीय उत्तरदायित्व सम्बन्धमा व्यवस्था गर्न बनेको विधेयक संसदमा पेश

फागुन २६, २०७५ आइतबार १९:३५:३५ | उज्यालो सहकर्मी

काठमाण्डाै - सरकारले ‘आर्थिक कार्यविधि तथा वित्तLय उत्तरदायित्व सम्बन्धमा व्यवस्था गर्न बनेको विधेयक’ संघीय संसदको प्रतिनिधिसभामा पेश गरेको छ ।

अर्थमन्त्री डा. युवराज खतिवडाले आइतबार प्रतिनिधिसभाको बैठकमा सो विधेयक पेश गर्नु भएको हो । विधेयकमा प्रदेश र स्थानीय तहले लेखा परीक्षण समिति बनाएर आन्तरिक लेखा परीक्षणको काम गर्नसक्ने व्यवस्था गरिएको छ ।

तर त्यसको अन्तिम लेखा परीक्षणको काम भने महालेखा परीक्षकको कार्यालय आफैले गर्ने पनि अर्थमन्त्री खतिवडाले जानकारी दिनुभयो । उहाँले संघ, प्रदेश र स्थानीय तहलाई लेखा प्रणालीको विधि र प्रक्रियामा जवाफदेही बनाउन पनि सो विधेयक ल्याउनुपरेको पनि स्पष्ट पार्नुभयो ।

विधेयकले सम्बन्धित निकायलाई लेखा प्रणालीप्रति उत्तरदायी बनाउने र मुलुकमा बढ्दो बेरुजु घटाउन सघाउ पुर्‍याउने अर्थमन्त्री खतिवडाको भनाइ छ ।

सरकारले संघ, प्रदेश र स्थानीय तहको आर्थिक कार्यविधि नियमित तथा व्यवस्थित गर्न आवश्यक कानुन बनाउन सो विधेयक प्रतिनिधिसभा पेश गरेको हो । विधेयकमा संघ, प्रदेश र स्थानीय तहको एकीकृत वित्तीय विवरण तयार पार्ने जिम्मेवारी भने महालेखा नियन्त्रक कार्यालयको हुने उल्लेख गरिएको छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्