पाल्पाका ८१ मध्ये ३० वडा सचिवविहीन, स्वास्थ्यकर्मी र खानेपानी प्राविधिकलाई नै वडा सचिवको जिम्मा

फागुन २७, २०७५ सोमबार ८:२६:४ | उज्यालो सहकर्मी

पाल्पा – पाल्पाका १० स्थानीय तहका ८१ वडा मध्ये ३० वडामा, वडा सचिव नहुँदा सेवाग्राही मर्कामा परेका छन् । वडा सचिवको अभावमा प्रशासनिक कार्य सम्पादनका काममासमेत समस्या भएको छ ।

अनुभव र विषय समेत नमिल्ने कर्मचारीले कार्य सम्पादन गर्नुपर्ने भएपछि काममासमेत ढिलाई भैरहेको स्थानीयले गुनासो गरेका छन् । वडा सचिव नभएपछि स्वास्थ्यकर्मी र खानेपानी प्राविधिकलाई वडा सचिवको जिम्मा दिइएको निस्दी गाँउपालिकाका अध्यक्ष मुक्तबहादुर सारु मगरले जानकारी दिनुभयो ।

गाउँपालिकाको ७ वटै वडामा वडा सचिव नहुँदा वडा नं १ मा खानेपानी प्राविधिकले, वडा नम्बर २, ३, ६ र ७ मा स्वास्थ्यकर्मीले, वडा नम्बर ४ मा गाउँपालिकाका जिन्सी शाखाका नायब सुब्बा र वडा नम्बर ५ मा कार्यालय सहायकले वडा कार्यालयको कामकाज सम्हालेको अध्यक्ष सारुले बताउनुभयो ।

जिल्लाका सबैजसो वडा, नगर र गाँउपालिकाको कार्यालयमासमेत कर्मचारीको अभाव हुँदा नागरिकका चाहाना अनुसार काम गर्न समस्या भएको जनप्रतिनिधिहरुको गुनासो छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्