बाली बीमातर्फ बढेन किसानको आकर्षण

फागुन २७, २०७५ सोमबार १२:४७:० | उज्यालो सहकर्मी

बैतडी – बैतडी जिल्लामा बाली बीमातर्फ किसानहरुको आकर्षण बढ्न सकेको छैन । जिल्लामा अहिलेसम्म २ जना किसानले मात्रै बाली बीमा गराएको तथ्यांक रहेको कृषि ज्ञान केन्द्र बैतडीका निमित्त प्रमुख कर्णबहादुर चन्दले जानकारी दिनुभयो ।

बाली बीमा गराउने बीमा कम्पनीको सहज रुपले पहुँच नहुनु, बाली बीमाका बारेमा किसानहरुलाई आवश्यक जानकारी नहुनुलगायतका विभिन्न कारणहरुले बालीबीमा गर्ने किसानको संख्या बढ्न नसकेको कृषि ज्ञान केन्द्र बैतडीले जनाएको छ ।

यदी किसानहरुले बाली बीमा गरेमा ५ प्रतिशतमात्रै बीमांक रकम तिर्नुपर्ने र ९५ प्रतिशत सरकारले अनुदान दिने व्यवस्था रहेको चन्दले जानकारी दिनुभयो । कुनै बालीनालीमा क्षति पुगेमा किसानहरुले ९० प्रतिशत क्षतिपूर्ति पाउने व्यवस्थासमेत रहेको चन्दले बताउनुभयो ।

तर बालीबीमाले क्षतिपूर्ति पाइने भए पनि यसतर्फ किसानहरुको आकर्षण भने बढ्न सकेको छैन । बाली बीमाका बारेमा आवश्यक जानकारी नभएकै कारण किसानहरुको यसमा चासो नबढेको अगुवा किसान कृष्णदत्त भट्टले जानकारी दिनुभयो । किसानहरुलाई बाली बीमाले हुने फाइदाका बारेमा जानकारी नै नभएको उहाँको भनाई छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्