जमिन बाँझो राख्नेलाई कारबाही

असार १२, २०७५ मंगलबार १५:२९:२४ | राजु लामिछाने

रुकुम पश्चिम – मुसिकोट नगरपालिकाले आफ्नो नीति तथा कार्यक्रममा जमिन बाँझो राख्नेलाई कारबाही गर्ने प्रस्ताव अघि सारको छ ।

नागरिकले जमिन बाँझो राख्ने क्रम बढ्दै गएको भन्दै नगरपालिकाले त्यस्तो नियम ल्याएको हो । नगरपालिकाले आगामी आर्थिक वर्षका लागि भू–उपयोगलाई पहिलो प्राथमिकतामा राखेको छ ।

‘जमिन नै जननी हुन, जमिनको प्रयोगबाट नै समृद्धिको बाटोमा जान सकिन्छ’ भन्ने नाराका साथ चलेको नगरसभामा प्रस्तावित नीतिमा जमिन सदुपयोग नगर्नेलाई दण्ड सजायको नीति लागू गर्ने प्रस्ताव गरिएको छ ।

नगरपालिकाले जमिनको सदुपयोग गर्नेलाई प्रोत्साहन र सदुपयोग नगर्नेलाई निरुत्साहित गर्न दण्ड सजायको व्यवस्था गर्ने नीति तथा कार्यक्रममा समेटेको छ । नगरपालिकाको भू–भागलाई आठ भागमा विभाजन गरी यसको संरक्षण, उपयोग र व्यवस्थापन गर्ने नगर प्रमुख देवीलाल गौतमले बताउनुभयो ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।