मन्त्री विश्वकर्माले गरे ८ औं रोष्ट्रिय खेलकुद हुने स्थानकाे अवलाेकन

चैत ११, २०७५ सोमबार २०:४२:१ | गोविन्द शर्मा

बाँके - युवा तथा खेलकुद मन्त्री जगतबहादुर विश्वकर्माले ८ औं राष्ट्रिय खेलकुद प्रतियोगिता सञ्चालनका लागि निर्माणाधीन संरचनाको स्थलगत जानकारी लिनुभएको छ ।

राष्ट्रिय खेलकुद परिषदका उपाध्यक्ष पिताम्बर तिम्सिेना, सदस्य सचिव केशब कुमार विष्टसहित मन्त्री विश्वकर्माले सोमबार बाँके र बर्दियामा राष्ट्रिय खेलकुद हुने स्थानहरुको अवस्थाबारे जानकारी लिनुभएको हो ।

बाँके र बर्दियामा खेल हुने स्थानको बारेमा जानकारी लिएपछि मन्त्री विश्वकर्माले साँझ मध्यपश्चिम क्षेत्रीय खेलकुद विकास समिति प्रदेश ५ को नेपालगञ्जमा रहेकाे कार्यालयमा प्राविधिकहरुसँग निर्माण अवस्थाबारे जानकारी लिनुभएको छ ।

परिषदले चैत २७ गते साँझ राष्ट्रिय खेलकुद प्रतियोगिताको उद्घाटन गर्ने र २२ गतेदेखि खेलहरु सञ्चालन गर्ने तयारी गरिरहँदा मन्त्री विश्वकर्मा प्रत्यक्ष अवलोकनका लागि नेपालगञ्ज पुग्नुभएको हो । मन्त्री विश्वकर्मा भौतिक पूर्वाधार निर्माणको अवस्थाबारे विश्वस्त भएपछि मात्रै राष्ट्रिय खेलकुदको मिति तय हुने खेलसम्बद्धहरुले जनाएका छन् ।

परिषदको चैत १५ गते बस्ने बोर्ड बैठकले चैत २७ गते प्रतियोगिताको उद्घाटन गर्ने निर्णय हुने सदस्य सचिव बिष्टले आइतबार नेपालगञ्जमा आयोजित समन्वय बैठकमा सार्वजनिक गर्नुभएको थियो ।

यसैबीच प्रतियोगिताका खेल संचालन हुन १० दिन मात्र बाँकी रहँदा मुख्य खेल हुने र उद्घाटन हुने स्थान नेपालगञ्ज रंगशालाको भीआईपी प्यारापिटका सामान सोमबार मात्र भन्सार भएर नेपालगञ्ज भित्रिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्