विप्लव नेतृत्वको नेकपाका चार नेता बाँकेबाट पक्राउ

चैत १३, २०७५ बुधबार १४:१५:१७ | गोविन्द शर्मा

बाँके – प्रहरीले नेत्रविक्रम चन्द विप्लव नेतृत्वको नेकपाका चार जना नेतालाई बाँकेबाट पक्राउ गरेको छ ।

पक्राउ पर्नेमा जिल्ला कमिटी सदस्य तथा न्यायिक विभाग प्रमुख चित्रबहादुर विक, जनसरकार प्रमुख कृष्णबहादुर शाही, सैन्य फाँटका भेरी ब्यूरो प्रमुख दानबहादुर फडेरा र पूर्व जनसरकार प्रमुख सन्तोष बस्नेत रहेको जिल्ला प्रहरी कार्यालय बाँकेका प्रमुख प्रहरी उपरीक्षक अरुण पौडेलले जानकारी दिनुभयो ।

विक र शाही सोमबार पक्राउ परेका हुन् । फडेरा र बस्नेत भने मङ्गलबार पक्राउ परेका हुन् । शाहीविरुद्ध संगठित अपराधमा मुद्धा चलाइएको छ । यसैगरी विकमाथि राजद्रोहको मुद्धा चलाइएको प्रहरी उपरीक्षक पौडेलले जानकारी दिनुभयो ।

जिल्ला प्रहरी कार्यालय बाँकेले नेत्रविक्रम चन्द ‘विप्लव’ समूहका चार जनालाई पक्राउ गरेको छ । बाँकेका प्रमुख प्रहरी उपरीक्षक अरुण पौडेलका अनुसार जिल्लाका विभिन्न स्थानबाट चार जना पक्राउ परेका हुन् ।

शाही एनसेलको टावरमा आगजनी गरेको अभियोगमा फरार रहेको प्रहरीले जनाएको छ । मङ्गलबार पक्राउ परेका व्यक्तिहरुमाथि म्याद थप भई अनुसन्धान चलिरहेको एसपी पौडेलले बताउनुभयो ।

विप्लव समूहका पक्राउ परेका नेताहरु विभिन्न स्थानमा बम राख्ने कार्यमा संलग्न भएको प्रहरीले जनाएको छ । सरकारले प्रतिबन्ध लगाएपछि बाँकेमा विप्लव समूहका गतिविधि नियन्त्रणका लागि सुरक्षा सतर्कता बढाइएको प्रहरीले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विप्लव नेतृत्वको नेकपाका चार नेता बाँकेबाट पक्राउ

फाइल फाेटाे

तपाईको प्रतिक्रिया